ASNN – Skënderbeu në futboll për femra, edhe pse me shumë largime në këtë sezon të ri dhe me një grup vajzash tërësisht të reja, ka bërë një hap pozitiv që në nisje, teksa ka mundur dje Dajtin, 2-1. Në një ndeshje të luftuar në fushë, nga minuta e parë deri te e fundit, takimi i djeshëm do të niste 30 minuta me vonesë për shkak të mbërritjes po me vonesë të skuadrës mike nga kryeqyteti.

Ndeshja ka nisur e fortë dhe me sulm për korçaret, që e gjejnë rrugën e rrjetës që në minutën e 13-të, me anë të Maria Nickut. Pas golit të parë të gjithë prisnin që të shënonte sërish Skënderbeu, por mikeshat në një kundërzbritje të shpejtë, falë edhe gabimit të mbrojtjes korçare, shënojnë golin e barazimit në minutën e 29-të me anë të kapitenes së Dajtit, Hoda.

Në pjesën e dytë të dy skuadrat kërkojnë golin e fitores, por që rastet në portat respektive mungojnë, pavarësisht se loja është e shpejtë dhe Skënderbeu ka një avantazh të lehtë në fushën e lojës.  Dhe kur të gjithë mendonin se ndeshja do të mbyllej në barazim, Qose për Skënderbeun godet nga jashtë zonës dhe shënon duke përfituar edhe nga gabimi i portieres së Dajtit, Hysaj.

Dhe në përfundim 2-1 për Skënderbeun, që merr tre pikët e parë të sezonit.

Skënderbeu – Dajti                                       2-1

Shënues: M. Nicku 13’, Qose 90’+1 / Hoda 29’

Skënderbeu: Sula, Zizolli, Shkëmbi, Kullira, Lulollari, Zere (Telha 79’), Qose, Morava, M. Nicku, Qylalli, J. Nicku. Trajner: S. Lako

Dajti: Hysaj, Domi, Disha, Visha, Sena, Marku, Rizallaraj, Gjoni, Xhaferri, Kamberi (Cikollari 90’+1), Hoda. Trajner: K.Gjonpalaj

Gjyqtare: E. Rusta, E. Kume, M. Salla (Elbasan)

Kartonë të verdhë: Zere, Qylalli / Hoda

Kampionati i 8-të Kombëtar

i Futbollit – Femra

Java e parë

(22 tetor 2016)

Kinostudio – Juban Danja               8-0

Skënderbeu – Dajti                2-1

Vllaznia – AAS                       7-0

Tirana AS – The Door         10-0

Apolonia – Teuta                   5-0

Renditja

Nr.       Skuadra         N.        F.         B.        H.        Gsh-Gp          Pikë

1. Tirana AS      1          1          0          0          10-0                3
2. Kinostudio     1          1          0          0            8-0                3
3. Vllaznia         1          1          0          0            7-0                3
4. Apolonia        1          1          0          0            5-0                3
5. Skënderbeu  1          1          0          0            2-1                3
6. Dajti                1          0          0          1            1-2                0
7. Teuta              1          0          0          1            0-5                0
8. AAS                1          0          0          1            0-7                0
9. Juban Danja 1          0          0          1            0-8                0
10. The Door 1          0          0          1            0-10              0