ASNN – Trajneri i Skënderbeut në futboll për femra, Stavrion Lako, ka marrë një surprizë të madhe dje përpara fillimit të takimit. Kanë qenë vajzat e ekipit që, përpara se të dilnin në nxemje, kanë mbërritur në fushë me një tortë duke i uruar ditëlindjen trajnerit të tyre. Madje është ndjekur edhe rituali, teksa trajneri Lako i ka fryrë qirinjve. Por, më pas vajzat nuk i kanë dhënë kënaqësinë e marrjes së pikëve në fushë, sepse janë mundur 2-1 nga Tirana në Korçë.

Korçaret dje kanë pasur rastin më të mirë të dilnin me pikë nga fusha e tyre, teksa kanë humbur edhe një 11-metërsh pak minuta përpara fundit. Pjesa e parë ka folur thuajse e gjitha për Skënderbeun, që ka mbajtur shumë topin. Golat i ka shënuar Tirana, që dy herë zbriti në portën e Skënderbeut dhe po dy herë shënoi. Aliu për mikeshat në minutën e 23-të shënon golin e epërsisë për bardheblutë pas pasimit të Begallos.

Në të 41-tën, Begallo godet shtyllën dhe topi i kthyer në lojë është dërguar në rrjetë nga Aliu. Në pjesën e dytë Zërë ka ngushtuar diferencën e golave për Skënderbeun në 2-1. Më pas korçaret kanë raste të shumta, por nuk shënojnë dot, ndërsa Tirana ka mbetur dhe me dhjetë futbolliste. Në minutën e 85-të, Niçku humbet një 11-metërsh, që pritet nga Popa, dhe 2-1 për Tirana AS.

Skënderbeu – Tirana                       1-2

Shënuese: Zëre 49’ / Aliu 23’, 41’

Skënderbeu: Sula, Shkëmbi, Zizolli, Kullira, M. Niçku, Zëre, Morava, Qose (Kajo 46’, Muçollari 80’), Binjaku, J. Niçku, Potomi. Trajner: S. Lako

Tirana: Gega (A. Popa 15’), Mema, Kolgjini, Muho, Leba, Koçeku, Kamberi, Aliu, Begallo, Banushi, Berisha. Trajner: K. Kamshi

Gjyqtarë: S. Dyrmyshi, E. Gjoni, R. Muzhaqi (Elbasan)

Kartonë të verdhë: Koçeku, Muho

Karton i kuq: Koçeku 85’

Kampionati Kombëtar

i Futbollit – Femra

Java e 14-të

(25 mars 2017)

Të shtunën:

Kinostudio – Apolonia          3-3

Dajti – Teuta                            1-3

Skënderbeu – Tirana AS      1-2

AAS – The Door                   18-3

Të dielën:

Juban Danja – Vllaznia

Renditja

Nr.       Skuadra                     N.        F.         B.        H.        Gsh-Gp          Pikë

1. Vllaznia                     13        13        0            0        129-1              39
2. Apolonia                    14        11        2            1          60-9              35
3. Kinostudio                 14          9        2            3          97-21            29
4. Akademia AAS         14          8        1            5          51-38            25
5. Teuta                          14          7        1            6          32-40            22
6. Tirana AS                  13          6        1            6          40-34            19
7. Juban Danja             13          6        1            6          40-47            19
8. Skënderbeu              14          3        0          11          10-94              9
9. Dajti                            14          1        0          13            8-72              3
10. The Door 13          0        0          13          12-129            0