ASNN – Të shtunën rikthehet Kampionati Kombëtar i Futbollit të Femrave, që pati një ndërprerje 3-javore për shkak të kushteve të vështira atmosferike dhe ndeshjeve të Kupës së Shqipërisë, që përcaktuan dy skuadrat finaliste, Vllaznia dhe Apolonia, të cilat do të diskutojnë ndërmjet tyre trofeun e dytë të topkëmbës shqiptare të vajzave. Fillon kështu faza e dytë, me 4 ndeshje që do të zhvillohen të shtunën dhe dy të tjera ditën e diel.

Java fillon me ndeshjen Teuta-Juban Danja, që do të luhet të shtunën në orën 12:30 në “Olimpik Park”, me bregdetaret e vendit të 8-të që do të kenë përballë skuadrën e vendit të 5-të, në një ndeshje ku secila prej skuadrave do të kërkojë të ruajë pozicionin e saj në renditjen e përgjithshme. Në orën 13:00 në Shkodër dhe Fier do të luajnë si pritëse dy skuadrat finaliste të Kupës së Shqipërisë, me Vllazninë kryesuese që pret në Stadiumin “Reshit Rusi” Lushnjen debutuese në kampionat.

Fieraket e vendit të dytë presin në Stadiumin “Loni Papuҫiu” Skëndërbeun, në një sfidë që shikon favorite vendaset që janë prej javësh në ndjekje të Vllaznisë. E shtuna mbyllet në Stadiumin “Devolli”, me përballjen Bilisht Sport-Akademia AAS, me vendaset që do të kërkojnë të marrin pikën e parë të sezonit pas një faze të parë të mbyllur në kuotën e zero pikëve. E diela rezervon dy derbi të kryeqytetit shumë interesante.

Partizani i vendit të 7-të do të luajë ndaj Tirana AS që ndodhet në vendin e katërt në renditje dhe kanë një diferencë prej vetëm 4 pikësh. Në Qendrën Sportive në Kamëz, duke filluar nga ora 12:00, pritet një ndeshje e luftuar dhe me shumë emocione. Kinostudio-Tirana është derbi tjetër që mbyll dhe këtë javë të parë të fazës së dytë, me ndeshjen që do të luhet në orën 14:00 po në Kamëz dhe ku secila skuadër do të luftojë për objektivat e vet sezonal.

Vajzat bardheblu kërkojnë vendet e nderit në renditjen e përgjithshme dhe Kinostudion, që nga ana e saj synon mesin e artë.

Kampionati Kombëtar

i Futbollit – Femra

Të shtunën, 13 mars 2021:

Teuta – Juban Danja           (12:30)

Vllaznia – Lushnja               (13:00)

Apolonia – Skëndërbeu      (13:00)

Të dielën, 14 mars 2021:

Partizani – Tirana AS           (12:00)

Kinostudio – Tirana              (14:00)

Renditja

Nr.       Skuadra                     N.        F.         B.        H.        Gsh-Gp          Pikë

1. Vllaznia                     12        12        0          0          86-3                36
2. Apolonia                    12        10        1          1          86-6                31
3. Tirana                         12        9          2          1          87-13              29
4. Tirana AS                  12        8          1          3          64-17              25
5. Juban Danja             12        8          0          4          42-17              24
6. Kinostudio                 12        6          0          6          59-39              18
7. Partizani                    12        6          0          6          47-35              18
8. Akademia AAS         12        4          0          8          13-74              12
9. Skënderbeu              12        3          0          9          23-57                9
10. Teuta 12        3          0          9          27-69                9
11. Lushnja             12        1          0          11        4-77                  3
12. Bilisht Sport             12        0          0          12        0-131                0