ASNN – Shkodra e ka nisur suksesshëm Kampionatin e 6-të Kombëtar të Futbollit të Femrave duke arritur fitore me tre ekipet pjesmarrësë nga katër që janë pjesë e tij. Kështu kampionia në fuqi, Vllaznia, ka vijuar sërish me hapin e pretendentes, duke fituar 9-0 ndaj Bilisht Sportit, që merr pjesë për herë të parë në kampionatin e femrave. Ndërkohë Juban-Danja, ekipi i parë që krijoi ekipin futbollin e femrave në Shqipëri, ka fituar 4-1 ndaj Elbasanit, një tjetër skuadër e re në këtë kampionat.

Në takimin Vllaznia–Bilisht Sport, i zhvilluar në fushën sportive “Reshit Rusi”, vajzat kuqeblu e kanë kthyer këtë sfidë në një miqësore duke mos e vënë aspak në dyshim fitoren. Kuqelbutë kanë shënuar 9 gola në portën kundërshtare. 3 gola ka shënuar sulmuesja Ana Baro, 2 gola mesfushorja Doçi dhe nga një gola kanë realizuar Berisha, Tula dhe Gruda duke i dhënë fitoren 9-0 skuadrës të Vllaznisë. Më shumë për trajnerin e ekipit shkodran, Selami Pepa, ndeshja ka shërbyer për të parë së cila është gjendja e futbollisteve të tij në këtë nisje të kampionatit.

“Ne do të vijojmë ashtu si sezonin e kaluar për të qenë pretendentë e për të fituar të gjitha trofetë në futbollin e femrave. Ndeshja e sotme ka qenë starti i kampionatin dhe ne jemi në rrugën e duhur”, – është shprehur pas ndeshjes Pepa. Një fitore të rëndësishme ka arritur dhe Juban-Danja, e cila ka mposhtur Elbasanin, 4-1. Skuadra mike ka bërë një paraqitje të mirë teksa e ka nisur takimin me një gol të shënuar që në minutën e 10-të.

Më pas Juban Danja ka reaguar duke arritur që të shënojë katër gola të tjerë përballë Elbasanit. Rrotani ka realizuar tre gola në pjesën e parë duke barazuar dhe duke kaluar Jubanin në avantazh. Hila vulos rezultatin në 4-0 në favor të Juban Danja. Në ndeshjen e tretë, në derbin mes dy skuadrave shkodrane “The Door”-AAS, ekipi i “The Door” ka fituar 5-0 përballë skuadrës debutuese.

Kampionati i 6-të Kombëtar

i Futbollit – Femrave

Java e parë

(4-5 tetor 2014)

The Door – AAS                                5-0

Vllaznia – Bilisht Sporti                   9-0

Juban Danja – Elbasani                  4-1

Kinostudio – Dajti                             8-0

Apolonia – Shkëndija Durrës         2-5

Tirana AAS – Kukësi                        (sot)

Renditja

Nr.       Skuadra                     N.        F.         B.        H.        Gsh-Gp          Pikë

1. Vllaznia 1          1          0          0             9-0              3
2. Kinostudio 1          1          0          0             8-0              3
3. The Door 1          1          0          0             5-0              3
4. Shkëndija Durrës 1          1          0          0             5-2              3
5. Juban Danja 1          1          0          0             4-1              3
6. Apolonia 1          0          0          1             2-5              0
7. Elbasani 1          0          0          1             1-4              0
8. AAS 1          0          0          1             0-5              0
9. Dajti 1          0          0          1             0-8              0
10. Bilisht Sporti 1          0          0          1             0-9              0
11. Kukësi 0          0          0          0             0-0              0
12. Tirana AAS 0          0          0          0             0-0              0