Shqipëria e Nën-19-vjeçareve në futboll për femra e ka humbur dhe ndeshjen e dytë në Eliminatoret e Kampionatit Evropian të kësaj grupmoshe, ndërsa dje është mundur nga Skocia. Në një farë mënyre ka qenë e parashikueshme, por së paku tonat i kanë nxjerrë “ujin e zi” Skocisë, e cila është stërmunduar për të na mundur.

Është dukur si një ndeshje e lehtë kur skocezët kanë shënuar dy herë për 20 minuta me anë të Tjudajs dhe Hauatit. Por goli i Franjas e vë në diskutim epërsinë e Skocisë. Skocezet duket sikur kanë gjetur qetësinë me Hensonin vetëm katër minuta përpara se të përfundonte pjesën e parë.

Mirëpo Gjegji, që ka shënuar golin e dytë të kuqezinjve dhe të dytin personal, në limitet e pjesës së parë ka ngushtuar në 3-2. Tension te skocezet dhe lirshmëri tek tonat, të cilat në pjesën e dytë kanë përballuar mirë presionin e kundërshtarëve. Raxhimi frenon gola të sigurt.

Por, sidoqoftë, ajo nuk ka mundur të bëjë dot gjë në minutën e 74-t, kur Bojas ka shënuar golin e katërt, duke vulosur praktikisht fitoren e skocezeve. Gjegji mund të kishte shënuar përsëri. Megjithatë Skocia ka fituar, kurse tonat kanë bërë një ndeshje më të mirë se sa me Austrinë, të cilën e humbën 1-8.

Skoci – Shqipëri                    4-2

Shënues: Tjudaj 9’, Hauat 20’, Henson 41’, Bojs 74’/ Franja 25’, Gjegji 45’+3

Skocia: Flaherti, Mek-Laflin (Gallaker 86’), Klilënd, Kjesi, Katbert, Henson (Kornet 46’), Hauat (Bojs 46’), Tjudaj, Majlin, Raferti, Uajt. Trajner: G. Evans

Shqipëria: Raxhimi, Kadolli, Franja, Lipa, Shega (Aliu 64’), Zeka, Domi (Skutina 72’), Koldashi, Behluli, Muja (Kasa 36’), Gjegji. Trajner: N. Dede

Gjyqtare: V. Radzinja, J. Kolomiceva (Letoni), S. Telek (Austri)

Kartonë të verdhë: Kadolli, Franja