ASNN – Sapo i përket kronikës së djeshme midis Skënderbeut dhe Vllaznisë, duhet thënë se nuk ka pasur aspak histori, pasi vendëset, me një ekip krejtësisht të ri, nuk e vizituan asnjëherë portën shkodrane. Ka hapur serinë e golave e Koldashi që në minutën e 4-t të takimit duke kaluar mikeshat në epërsi.
Pak minuta më vonë ka qenë Proto që ka shënuar të dytin. Megi Doçi është zgjuar në minutën e 14-të me golin e saj të parë. Radha vjen për Mustafën dhe Mujën, që shënojnë nga një gol secila. Pjesën e parë e mbyll Doçi me shënimin e golit të 6-të për Vllazninë dhe 0-6 për shkodranet.
Pjesa e dytë ka qenë një formalitet, pasi në fushë kishte vetëm një ekip Vllaznia, ku Doçi në këtë pjesë loje shënon edhe 7 gola të tjerë dhe, në total, shënon gjithsej 9 gola. Dy gola në këtë pjesë loje shënon edhe Muja, që firmos kështu 3-golëshin e saj në këtë takim.
0-15 për Vllazninë është rezultati përfundimtar i ndeshjes së djeshme në Korçë, që, edhe pse u luajt në temperatura të ulëta, nuk ndali dot kampionet për të shënuar këtë goleadë. Edhe ky sezon duket se do të ketë diktatin e padiskutueshëm të Vllaznisë që javë pas jave po hipotekon edhe këtë sezon kreun e kampionatit kombëtar për femra.
Skënderbeu – Vllaznia 0-15
Shënuese: Koldashi 4’, Proto 9’,
Doçi 14’, 40’, 50’, 57’, 65’, 76’, 78’, 83’, 85’,
Mustafa 31’, Mujo 38’, 72’, 74’
Skënderbeu: Sula, Zizolli, Kullira, Shkëmbi, Lulollari, M. Niçku, Zere, Qylalli, J. Niçku, Binjaku (Bako 69’), Qose. Trajner: S. Lako
Vllaznia: Raxhini, Gjini, Bibaj (Kotarja 48’), Mustafa, Franja, Eduda, Koldashi, Proto, Piranaj, Muja, Doçi Trajner: N. Leka
Gjyqtare: E. Rusta, E. Kume, M. Salla (Elbasan)
Kampionati i 8-të Kombëtar
i Futbollit – Femra
Java e 4-t
(13 nëntor 2016)
Kinostudio – Tirana AS 1-2
Dajti – Apolonia 0-2
Juban Danja – The Door 9-0
Skënderbeu – Vllaznia 0-15
AAS – Teuta 7-0
Renditja
Nr. Skuadra N. F. B. H. Gsh-Gp Pikë
1. Vllaznia 4 4 0 0 46-0 12
2. Apolonia 4 4 0 0 17-1 12
3. Tirana AS 4 3 1 0 21-3 10
4. Juban Danja 4 2 1 1 14-11 7
5. Kinostudio 4 2 0 2 32-7 6
6. AAS 4 1 1 2 9-11 4
7. Teuta 4 1 1 2 7-14 4
8. Skënderbeu 4 1 0 3 3-42 3
9. Dajti 4 0 0 4 2-31 0
10. The Door 4 0 0 4 0-31 0
