ASNN – Kampionati Kombëtar i Futbollit të Femrave ka mbyllur javën e 9-të këtë fundjavë dhe 3 ndeshjet e para, të luajtura të shtunën, nxorrën fituese skuadrat që shikoheshin favorite. Në Korçë vendaset e Skënderbeut prisnin vajzat e Lushnjës dhe triufuan me rezultatin e thellë 10-1. Korçaret arritën të gjejnë rrjetën që në minutën e 5-të me Repën, teksa dyfishojnë rezultatin me Potomin në minutën e 11-të.
Në të 33-n minutë, Potomi shënoi golin e dytë personal dhe të 3-tin për korçaret. Lushnja përgjigjet një minutë më pas me Balin dhe pjesa e parë mbyllet me shifrat 3-1. Në pjesën e dytë, korçaret shpërthejnë dhe shënojnë edhe 7 gola të tjerë, me dy dygolëshat që mbajnë firmën e Milos dhe Nickut dhe nga një gol të shënuar nga Malaveci dhe Morava.
Ekipi i korçareve është ngjitur në vendin e 9-të me 6 pikë, ndërsa lushnjaret gjenden në vendin e parafundit me 3 pikë. Ndeshja e dytë mes Apolonisë dhe Juban Danjës nxorri fituese vajzat e Fierit, që vazhdojnë të ruajnë vendin e dytë në klasifikim, në ndjekje të Vllaznisë. Apolonia siguron fitoren që në pjesën e parë, me një dygolësh të Gashit, në minutat 31 dhe 40, dhe një gol të Armukut në minutën e 41-të.
3-0 në favor të fierakeve mbyllet kjo pjesë e parë. Në pjesën e dytë, mendon Gashi, e cila shënon në minutën e 75-të golin e 4-t për Apoloninë dhe golin e 3-të personal. Ndeshja përfundon me rezultatin 4-0 në favor të Apolonisë. Derbi i kryeqytetit mes Kinostudios dhe Tirana AS është mbyllur në favor të kësaj të fundit. Një ndeshje e luftuar nga të dyja palët, ku goli i parë erdhi në minutën e 43-të me anë të Trokës.
Pjesa e parë u mbyll me rezultatin 0-1. Në pjesën e dytë, Tirana AS i gëzohet dygolëshit të Gufamit, në minutën e 70-të dhe të 83-të. Kinostudio shënon golin e nderit me Cyme Lulaj në minutën e 86-të, duke regjistruar shifrat finale të ndeshjes 1-3. Tirana AS është ngjitur në vendin e katërt me 19 pikë ndërsa Kinostudio renditet e gjashta në kuotën e 15 pikëve.
Kampionati Kombëtar
i Futbollit – Femra
Java e 9-të:
Të shtunën, 23 janar 2021:
Kinostudio – Tirana AS 1-3
Apolonia – Juban Danja 4-0
Skënderbeu – Lushnja 10-1
Të dielën, 24 janar 2021:
Vllaznia – Akademia AAS ora 11:00
Tirana – Bilisht Sport ora 13:00
Teuta – Partizani ora 13:00
