ASNN – Japonia barazon me SHBA dhe Anglia mund Brazilin 2-1. Një goditje e fundit nga Juka Momiki bëri që Japonia të barazojë në mënyrë të merituar në fakt, 2-2 me kampionen e botës, Shtetet e Bashkuara të Amerikës, në ndeshjet e para të Kupës “She Believes” të 4 kombeve, turne që po zhvillohet midis 4 ekipeve përfaqësuese të futbollit të femrave.
Momiki i mohoi fitoren amerikaneve në ndeshjen hapëse në turneun miqësor të futbollit në stadiumin “Talen Energy” të Çesterit në Angli. Japonezet po bëjnë kështu një punë të mirë në prag të Botërorit të Futbollit të Femrave, që do të zhvillohet këtë vit në Francë. Për Shtetet e Bashkuara të Amerikës, goli i dytë ishte realizuar nga Aleks Morgan në minutën e 76-të.
Në ndeshjen tjetër Anglia ka mudur Brazilin 2-1. Fillimisht janë brazilianet që kalojnë në avantazh me anë të Andresës, që në minutën e 16-të. Më pas është Elen Uajt që barazon shifrat 1-1 me fillimin e pjesës së dytë. Goli i dytë për vendaset vjen nga goditja e fortë me të djathtën e Midit. Ndeshje e tjera luhen të shunën, kur SHBA të përballet me Anglinë, ndërsa Japonia, me Brazilin.
