ASNN – Futbolli i femrave në Shqipëri nuk e ka traditën e meshkujve, por vitet e fundit, e këmbënguljen e Federatës dhe angazhimin e mjaft vajzave në këtë sport, është mundësuar një pjesëmarrje më e gjerë dhe natyrisht një përmirësim i cilësisë, nivel që vjen në rritje.

Kuptohet, futbolli i femrave ende nuk është aq i përhapur, por ka skuadra që kanë krijuar fizionominë e tyre në lojë dhe ka përpjekje për të pasur sukses. Të shtunën dhe të dielën u luajtën ndeshjet çerekfinale të Kupës së Shqipërisë, ku ra në sy fitorja e skuadrave të mëdha si Vllaznia dhe Kinostudio, por edhe Tirana dhe Apolonia.

Vajzat e Vllaznisë mundën FC Termin me shifrat 4-0 ditën e shtunë, duke mos e vënë në diskutim kalimin në gjysmëfinale. Po të shtunën, Tirana theu Juban Danjën me shifrat 7-2. Një tjetër fitore të bujshme korri Apolonia që mundi Teutën me rezultatin e thellë 7-0.

Ndërkohë, të dielën u luaj vetëm një ndeshje çerekfinale, ajo midis AAS përballë Kinostudios, e cila nuk pati histori sepse e fituan vajzat e Kinostudios me shifrat e thella 8-1. Në gjysmëfinale do të përballen Kinostudio-Vllaznia dhe Apolonia-Tirana. Pritet të ketë rivalitet të spikatur për trofeun e Kupës, megjithëse Vllaznia shihet si skuadra favorite për ta fituar Kupën e Shqipërisë.

Kupa e Shqipërisë

Futboll – Femra

Çerekfinalet:

FC Termi – Vllaznia                          0-4

Akademia AAS – Kinostudio          1-8

Teuta – Apolonia                              0-8

Juban Danja – Tirana AS                2-7

Gjysmëfinalet:

Kinostudio – Vllaznia

Apolonia – Tirana AS

Shënim: Gjysmëfinalet do të luhen me një takim të vetëm