Futbolli i femrave ka nisur sezonin e gjashtë të Kupës së Shqipërisë, atje ku fituese në fuqi është Vllaznia. Në ndeshjet e para, të cilat kanë qenë me eliminim direkt, ka pasur bollëk golash.

Kështu Shkëndija e Durrësit ka mundur Dajtin 3-0, “The Door” fitoi 3-1 me Apoloninë dhe rezultatin më të thellë e ka arritur kampionia në fuqi Vllaznia, e cila ka mundur AAS-në, me shifrat 10-0.

Ndërkohë Bilisht Sporti nuk është paraqitur në Tiranë, ndërsa bardheblutë do ta marrin ndeshjen në “tavolinë”. Sot janë programuar edhe dy ndeshje të tjera, atje ku spikat Juban Danja-Kukësi.

Tashmë Kupa e Shqipërisë është bërë veprimtaria më e rëndësishëm i futbollit të femrave, ndërsa më shumë këtë trofe e ka marrë Juban Danja dy herë.

Kupa e 6-të e Shqipërisë

Futboll – Femra

Turi çerekfinal:

Të shtunën:

Shkëndija Durrës – Dajti                3-0

The Door – Apolonia                       3-1

Vllaznia – AAS                                 10-0

Tirana – Bilisht Sporti                      (nuk u zhvillua)

Të dielën:

Juban Danja – Kukësi

Kinostudio – Elbasani