Në fund të ndeshjes finale të Kupës së Shqipërisë në futboll për femra, ku skuadra e saj fitoi ndaj Kukësit me rezultatin 4-0, kapitenia e Vllaznisë, Megi Doçi, do të deklaronte: “Për ne kjo ishte fitore e merituar.”

“Falënderoj gocat për atë që dhanë në fushën e lojës dhe për shpirtin e lartë të garës që ata tregua në fushë, – ka vijuar ajo. – Mbi të gjitha trajnerin Pepaj që pati besim tek ne, si dhe presidentin Lazër Matija për mbështetjen që na jep.”

Ndërkohë ka folur dhe trajneri i Vllaznisë, Selami Pepaj, i cili do të nënvizonte: “Kukësi fillimisht na vuri në vështirësi për shkak të ngjeshjes në mbrojtje. Por me kalimin e minutave ne arritëm të dilnim në lojën tonë dhe më pas edhe të fitonim.”

“E kemi dominuar ndeshjen, ndaj dhe kemi fituar me rezultat të thellë”, – ka përfunduar trajneri i Vllaznisë në futbollin për femra, Selami Pepaj. Kësisoj Vllaznia është fituese e Kupës së Shqipërisë në futboll për femra.