ASNN – Blerja e parë e bardhëkuqeve, Albina Rrahmani, e ka nisurme gol, ndërsa skuadra e Stavrion Lakos ka përmbysur në pjesën e dytë disavantazhin 0-1. Plot katër gola dhe një skuadër ambicioze. Ndeshja nis e shpejtë me raste të shumta për vendëset, ku të paktën pesë herë ato kanë falur përpara portës kundërshtare. Zere, Myrtollari, Popa, Rrahmani dhe Kasa deri në minutën e 29-të, nuk arrijnë të kalojnë korçaret në avantazh.

Ndërkohë që për Juban Danjën, Rripaj godet traun pas një goditjeje dënimi. Atë që s’e bën Skënderbeu e bën Juban Danja, që në të 35-ën minutë shënon golin e epërsisë me anë të Rrotanit, e cila ka shfrytëzuar mirë një krosim të lartë në zonën e rreptësisë korçare. Në minutën e 40-të janë po mikeshat që edhe këtë herë godasin shtyllën horizontale, këtë herë me anë të Rripaj. Dhe me epërsinë njëgolëshe për Juban Danjën mbyllet pjesa e parë.

Por fraksioni i dytë i ndeshjes flet nga fillimi në fund për Skënderbeun, teksa vetëm katër minuta pas fillimit të lojës, e sapofutura në fushë Joana Niçku, pas topit të Myrtollarit, barazon shifrat në 1-1. 13-të minutat e fundit janë fatale për Juban Danjën, teksa në të 77-tën minutë, blerja e re e Skënderbeut, Albina Rrahmani, nga 55 metra godet fort në portë dhe portiera Muçejani futet bashkë me topin në rrjetë. Një eurogol dhe Skënderbeu është në epërsi 2-1.

Vendëset nuk ndalen dhe pesë minuta nga fundi është Rafaela Zere, që gjuan nga jashtë zone dhe shënon edhe golin e tretë. Pas golit përsëri miket janë të pafata duke tronditur për herë të tretë traun me anë të Jakut në një goditje dënimi. Tre minutat shtesë sjellin edhe golin e katër për Skënderbeun, këtë herë është Adela Qylalli që bëri një ndeshje vërtet të mirë dhe u shpërblye me gol në të 92-ën minutë. Në përfundim një 4-1 për Skënderbeun, rezultat surprizë, ndërsa ka qenë ndeshja më e mirë e fazës së dytë.

Skënderbeu – Juban Danja                                   4-1

Shënues: J. Niçku 49’, Rrahmani 77’,

Zëre 85’, Qylalli 90+2’ / Rrotani 35’

Skënderbeu: Sula, Rrahmani, Zere, Zizolli, Kullira, Shkëmbi (J. Niçku 46’), Kasa, Morava, Myrtollari, Qylalli, Popa. Trajner: S. Lako

Juban Danja: Muçejani, Hilaj, Haxhari, Ndoci, Gega, Jaku, Mustafaj, Rrotani, Rripaj, Dukaj, Gerbeti (Krasniqi 86’). Trajner: E. Ndreka

Gjyqtare: E. Rusta, E. Kume, M. Salla (Elbasan)

Kartonë të verdhë: Popa, Kasa / Ndoci, Haxhari

Kampionati Kombëtar

i Futbollit – Femra

Java e 15-të

(16 prill 2016)

Apolonia – Dajti                                7-0

Kinostudio – Teuta                          9-0

AAS – Vllaznia                                 0-11

The Door – Tirana AS                     2-4

Skënderbeu – Juban Danja          4-1

Renditja

Nr.       Skuadra         N.        F.         B.        H.        Gsh-Gp          Pikë

1. Vllaznia         15        15        0            0        113-1              45
2. Kinostudio     15        11        0            4          85-26            33
3. Tirana AS      15        10        2            3          65-24            32
4. Apolonia        15          9        2            4          57-20            29
5. The Door       15          8        3            4          38-29            27
6. Juban Danja 15          7        1            7          39-27            22
7. Skënderbeu  15          7        0            8          34-39            21
8. Teuta              15          2        0          13          13-76              6
9. AAS                15          2        0          13          13-99              6
10. Dajti 15          0        0          15            4-121            0