ASNN – Ajo që e bën më të spikatur suksesin e arritur nga futbollistet shkodrane është bilanci i saj tejet pozitiv që ka regjistruar në këtë kampionat.
Të luash 18 ndeshje dhe t’i fitosh që të gjitha duke shënuar plot 134 herë në portën kundërshtare dhe me dy gola të pësuar padyshim që është një rezultat fantastik dhe i pa arritshëm nga asnjë skuadër shqiptare, pse jo edhe në kampionatet e huaja.
Në listën e atyre ndeshjeve që kanë mbetur në kujtesën e tifozëve janë ballafaqimet Dajti-Vllaznia 0-13, Skenderbeu-Vllaznia 0-10, Vllaznia-Skenderbeu 13-0.
Apo edhe fitorja ndaj ekipit “nënkampion”, Kinostudio e Tiranës, ku Vllaznia e ka mundur tre herë me shifra të thella, 0-5 dhe 6-0 për kampionat, si dhe në finale e Kupës së Shqipërisë 6-0.
