ASNN – Federata Shqiptare e Futbollit konfirmoi zyrtarisht emërimin e ndihmësit të ri të Xhovani De Biazit. Siç ishte paralajmëruar më parë nga mediat, ai është Marko Veroneze. 40-vjeçari do të debutojë në sfidën me Italinë më 24 mars në Palermo. Veroneze do të jetë pjesë e stafit teknik të kuqezinjve, deri në fund të Eliminatoreve të Botërori 2018 me mundësi rinovimi. Ish-sulmuesi do të zëvendësojë Paolo Tramexanin, i cili u largua për të marrë drejtimin e Luganos në Superligën e Zvicrës.
Marko Veroneze është rritur tek ekipet zinxhir të Interit, duke qëndruar pak me skuadrën e parë. Roli i tij në fushë ishte sulmues. Ai ka veshur në të kaluarën edhe fanellat e Rexhinës, Kievo sapo Viçencës. Karrierën e trajnerit e nisi në 2012 me skuadra të rinjsh te Pavia, duke vijuar me ekipin e parë dhe më pas si zv/trajner te Monza dhe Kremoneze. Kështu, pra, Xhovani De Biazi e ka gjetur njeriun e tij të besuar, zv/trajnerin e përfaqësueses së Shqipërisë.
Ai është ish-lojtari i tij në vitet 2001-2002, kur drejtonte Modenën, ish-sulmuesi Marko Veroneze. Edhe pse ai është një ish-futbollist me një karrierë jo shumë të pasur përsa i përket asaj futbollistike. Kjo, pasi në 354 ndeshje ka shënuar vetëm 73 gola, ai duket se ka bindur De Biazin me sa duket për të marrë rolin e Paolo Tramexanit. Karriera e Veronezes ka filluar me Interin, më pas ka luajtur me skuadra jo shumë në zë si Kievo, Modena, Venecia, Çezena e të tjerë.
Pasi ka mbyllur karrierën futbollistike në vitin 2012, në vitin 2014 ai ka marrë drejtimin e Pavias, skuadër e kategorisë inferiore të futbollit italian (Lega Pro). Ndërkohë që, eksperiencën e fundit e ka patur tek skuadra e Monzës, ku ka punuar për shumë kohë si zëvendës i rreth 4 trajnerëve. Paolo Tramexani, i cili, përveçse ishte zëvendëstrajner, mbante edhe rolin e drejtorit teknik të ekipeve kombëtare, u largua në dhjetor të këtij viti për të marrë rolin e trajnerit të parë tek skuadra e Luganos.
