ASNN – Danimarka dhe Portugalia janë dy sfidat e radhës, vendimtare për fatet e Kombëtares kuqezi në rrugëtimin e saj drejt fazës finale të Evropianit 2016. Ndeshjet e shtatorit për Kombëtaren shqiptare po afrojnë dhe për këtë qëllim, kanë nisur edhe përgatitjet.

Kështu, Federata Shqiptare e Futbollit, ka bërë të ditur sot për të gjithë tifozët dhe të interesuarit, nëpërmjet një njoftimi në faqen e saj zyrtare në Internet, se ka filluar faza e parë, ajo “online” e shitjes së biletave për ndeshjen Shqipëri-Portugali.

Kjo sfidë do të zhvillohet në Stadiumin “Elbasan Arena”, në datën 07 shtator 2015, duke nisur nga ora 20.45. Pikat e shitjes fizike do të aktivizohen në ditët dhe javët në vijim, pas një njoftimi të dytë të FSHF-së.

Çmimet e biletave për këtë ndeshje janë si vijon:

Tribunat C2, G2                    = 1.000 lekë

Tribunat C1, C3, G1                        =  1.500 lekë

Tribunat D, F                         =  2.000 lekë

Tribuna E                              =  3.000 lekë

Tribunat B1, B5                    =  6.000 lekë

Tribunat B2, B4, A1, A4      =  8.000 lekë

Tribuna A2, A3, B3              = 10.000 lekë