ASNN – Kursi i ri për Drejtor Sportiv që organizohet nga Federata Shqiptare e Futbollit (FSHF) do të zhvillojë edicionin e radhës, duke nisur nga muaji shtator. Ky kurs do të udhëhiqet nën drejtimin e specialistëve të Sektorit të Edukimit në FSHF dhe pritet të nisë më 12 shtator 2022 e të përfundojë më 7 tetor 2022, duke zgjatur kështu për afro një muaj.
Sipas asaj që bën të ditur njoftimi i organizmit që qevevis futbollin në vend, i afishuar në faqen e tij zyrtare në Internet, numri i studentëve maksimalë që mund të bëhen pjesë e këtij kursi është 30, ndërsa, nëse numri i regjistrimeve është më i vogël se 15, kursi nuk do të zhvillohet. Kriteret për të fituar të drejtën për t’u pranuar në kursin për Drejtor Sportiv janë:
- Duhet të jenë nënshtetas shqiptarë;
- Mosha minimale 25 vjeç, e plotësuar në datën e afatit të aplikimit;
- Mund të kryhet individualisht në qoftë se zotëron diplomën e Universitetit të Sporteve;
- Shkresë përcjellëse nga Klubi ose Akademia që përfaqëson;
- Kandidati duhet të jetë pajisur me çertifikatë shëndetësore lëshuar nga organi përkatës (e marrë brenda 3 muajve të fundit);
- Dy fotografi pasaporte;
- Fotokopje e ID ose e Pasaportës;
- Numer kontakti
Kërkesa për regjistrim, duhet të dërgohet përmes postës elektronike në adresën drejtoria.teknike@fshf.al , përmes postës së zakonshme në adresën Rr. Liman Kaba, Nd 5, Hyrja 1, Njësia Administrative 5, Kodi Postar 1019, Tiranë ose të dorëzohen fizikisht pran sekretarisë në të njejtën adresë. Afati i fundit për paraqitjen e kërkesës është data 02.09.2022. Aplikimet që mbërrijnë pas afatit nuk do të pranohen.
Bëhet e ditur për të gjithë personat që do të pranohen në këtë kurs se do të duhet të paguajnë një tarifë pjesëmarrjeje prej 50.000 (pesëdhjetëmijë) lekësh. Për çdo informacion në lidhje me renditjen, aspektet logjistike dhe organizative të Kursit, kontaktoni Sekretarinë e Shkollës tek adresa e postës elektronike: drejtoria.teknike@fshf.al .
