ASNN – Ljuis Hemiltoni ka festuar datëlindjen të martën. Një ditë e veçantë për pilotin britanik që mbushi 35 vjet. Urimet për 6 herë kampionin e botës në Formula 1 kanë qenë të shumta. Më i veçanti ka qenë ai nga tifozët e “Ferrari”-t, të cilët duan ta shohin sa më shpejt në drejtimin e një makine të kuqe. Ka qenë ditë feste kjo për Ljuis Hemiltonin.

Piloti i “Mercedes”-it festoi të martën 35-vjetorin e lindjes së tij. 6 herë “kampioni i botës” në Formula 1, po shijon pushimet e merituara, pas një sezoni tepër të lodhshëm në Botërorin e kaluar. Në përfundim të të cilit ai ishte kampion i padiskutueshëm, duke dhuruar spektakël në të gjitha garat, e duke merituar titullin për pilotë me makinën e tij “Mercedes” me numër 44.

Piloti britanik feston 35-vjetorin e lindjes dhe të shumta kanë qenë urimet për të në faqet e tij personale në internet. Midis tyre është edhe dikush që i uron, që së shpejti të bëhet pilot i “Ferrari”-t. E kjo nuk është më sekret. Fakti që skuadra italiane ëndërron ta shohë Ljuis Hemiltoni në drejtimin e një makine të kuqe. Dhe, me tortën me 35 qirinjtë e datëlindjes, vjen edhe ky urim për pilotin britanik nga të gjithë tifozët e “Ferrari”-t.