ASNN – Piloti nga Montekarlo lë pas Hemiltonin në provat zyrtare, gara, drejtpërdrejt në RTSH. Pasi ka fituar garën në Belgjikë dhe në Itali, piloti nga Montekarlo siguroi në mënyrë bindëse nisjen nga vendi i parë nën dritën e prozhektorëve të shtunën në Singapor. Kjo ishte hera e 5-të në karrierën e tij që ai do të niset nga vendi i parë dhe e 3-ta radhazi.
Provat zyrtare të së shtunës erdhën drejtpërdrejt në Rrjetin e Radio-Televizionit Shqiptar, i cili do të sjellë gjithashtu drejtpërdrejt edhe garën e së dielës, që nis në ora 14:00. Mund të thuhet se Sharl Lëlerk po e shijon plotësisht momentin e tij. Pasi ka fituar garën në Belgjikë dhe në Itali, piloti nga Montekarlo siguroi në mënyrë bindëse nisjen nga vendi i parë nën dritën e prozhektorëve të shtunën në Singapor.
Kjo ishte hera e 5-të në karrierën e tij që ai do të niset nga vendi i parë dhe e 3-ta radhazi, por ajo që e bëri më të veçantë është fakti se erdhi në një pistë kur “Ferrari” priste të vuante në fundjavë. Lëklerku e përshkoi xhiron e pistës së rrugës në “Marina Bej” me kohën mbresëlënëse prej 1 minutë, 36 sekondash e 217 mijëtash, duke e lënë prapa Ljuis Hemiltonin me 191 të mijëtat e sekondës.
Kjo nënkupton se piloti 21-vjeçar e ka lënë prapa rivalin e “Mercedes”-it, për numrin më të madh të nisjeve nga vendi i parë këtë vit. Sebastian Feteli ishte më i shpejti në xhirot e para të seancës së 3-të të provave zyrtare, por në fund e braktisi përpjekjen e fundit dhe u desh të kënaqej me nisjen nga vendi i 3-të, 220 të mijëtat pas shokut të tij të “Ferrari”-t.
Ai la prapa “Red Bull”-in e Maks Verstapenit, i cili ishte më tepër se gjysmë sekonde më i ngadaltë sesa Lëkerku. Por vetë Verstapeni ishte më i shpejtë sesa “Mercedes” i Valteri Botasit dhe “Red Bull”-i i Aleks Albonit, që do të nisen nga rreshti i 3-të. Rreshti i 4-t, do të përbëhet nga “MekLaren”-i i Karlos Sainzit dhe “Renault” e Daniel Riçiardos, ndërsa 10-shen e të parëve e mbyllin Niko Hulkenbergu dhe Lando Norrisi.
Provat zyrtare të së shtunës erdhën drejtpërdrejt në Rrjetin e Radio-Televizionit Shqiptar, i cili do të sjellë gjithashtu drejtpërdrejt edhe garën e së dielës, që nis në ora 14:00.
