ASNN – Kreu i “Red Bull”-it: “Hemilton ishte shumë më i shpejtë në Stamboll. FIA të hetojë.” Kur kanë mbetur edhe 6 gara deri në përfundim të Kampionatit Botëror të Formulës 1, sfida midis “Red Bull”-it dhe “Mercedes”-it për titullin “kampion”, si për pilotë, ashtu edhe për skuadra po bëhet më e ashpër. Dhe jo vetëm në pistë. Kristian Horner ngjall dyshimin se njësia e motorit të makinës “Mercedes” siguron një tepricë “të konsiderueshme” të energjisë. Ky është episodi i radhës i “luftës së akuzave me fjalë”, që bëjnë dy drejtuesit e “Red Bull”-it e “Mercedes”-it, konkretisht Kristian Horneri dhe Toto Volfi.
“Shpejtësia e tyre maksimale është rritur mjaft kohët e fundit dhe ne nuk mund t’i afrohemi aq sa mundeshim më parë, – ka thënë Horneri. – Ne e pamë këtë veçanërisht në Stamboll, kur Ljuis Hemiltoni, i cili montoi një motor të ri dhe e filloi garën duke u renditur pas 10 të parëve, pati një avantazh të rëndësishëm direkt, si 15 ose 20 kilometra në orë më shumë, diçka fenomenale. Bëhet fjalë për maksimalizimin e paketës që kemi në dispozicion, por është për t’u habitur që ata kanë bërë një hap kaq të madh përpara me njësinë e energjisë. Vetëm për të sqaruar, ne nuk kemi bërë një ankesë.”
“Ne vetëm kemi ngritur dyshimin, pasi janë gara normale në këto raste, – ka vijuar ai. – Dhe ne nuk jemi të vetmit që e kemi vënë re. I takon Federatës Ndërkombëtare të Automobilizmit (FIA), që të kryejë kontrollet e nevojshme. Por nëse një makinë arrin një shpejtësi maksimale më të lartë se ajo që mund të arrihet kur “DRS”-ja është e hapur, atëherë kjo bën pak përshtypje.” Ndërsa “Mercedes”-i po feston përvjetorin e parë nga 7 titujt e saj të njëpasnjëshme si skuadër, të arritur në 12 tetor 2014 në Çmimin e Madh të Rusisë, Kristian Horner ngre alarmin ose të paktën ngjall dyshime.
Por nuk duket i gatshëm të ankohet shumë për rezultatin e garën e Stambollit dhe në vend të kësaj pret me padurim garën e radhës së Kampionatit Botëror, i cili sipas të gjitha gjasave do të shohë makinat e “Red Bull”-it të sfidohen në Çmimin e Madh të Shteteve të Bashkuara të Amerikës, kundrejt epërsisë së “Mercedes”-it, që tradicionalisht ka fituar atje. Por, në çdo rast, “Mercedes”-it do t’i duhet të përballet me kryesuesin e renditjes së përgjithshme të pilotëve dhe rivalit kryesor të Ljuis Hemiltonit, Maks Verstapenin.
