ASNN – Drejtori Jokojama: “Epindemia e “Covid-19” na i ka vështirësuar punët në prodhim”. “Honda” po përjeton një vit të vështirë. Në vitin 2020, skuadra japoneze nuk arriti asnjë fitore dhe në 2021-shin, vetëm gjeniu Mark Márkez arriti të marrë pikët e para në Saksenring. Por konkurrentët e tij pranojnë se të garosh me Markezin është shumë e vështirë. Ata vazhdojnë të theksojnë se duhet të përmirësohen gjithnjë e më shumë për të arritur të përballojnë spanjollin.
“Unë jam gjithnjë e më shumë i acaruar”, – rrëfeu Pol Espargaró pas garës së Austrisë. Por te skuadrën zyrtare, “HRC”, janë të vetëdijshëm për inferioritetin mekanik dhe e dinë se ku konsiston një gjë e tillë. “Është e qartë se ne kemi probleme, – ka pohuar Drejtori Teknik i HRC-së, Takeo Jokojama, pas garave në pistën e Shpilbergut në Austri. Dhe më e rëndësishmja është se ne nuk morëm përfitimin maksimal nga goma e pasme që u prezantua vitin e kaluar.”
“Megjithatë ne po përmirësohemi për këtë, – ka vijuar ai. – Shumë ide që ne kemi janë për ta përmirësuar atë. Le të shohim nëse arrijmë nivelin më të lartë të saj”. Drejtuesi japonez zbulon se situata me pandeminë nuk ka ndihmuar, por se ata po mundohen të korrigjohen. “Ka shumë njerëz nga fabrika në Japoni që punojnë nga shtëpia, – rrëfen ai. – Ka një numër të kufizuar në zyrë. Por ne gjithsesi po organizohemi. Në përgjithësi, ne po punojmë shumë mirë.”
Dhe nga gara në Asen, “Honda” po përdor një shasi të re, të cilën e ka vetëm vetëm motori me numrin “93”. “Po pse vetëm ai”, – shtrohet pyetja. E përgjigja është: “Në këto kushte ne arritëm të bënim vetëm një njësi dhe vendosëm që vetëm Marku ta provonte. Tani ne nuk po luftojmë për pozicione të larta në renditjes. Vetëm po vlerësojmë reagimin e kësaj shasie në motorin e Markut. Ai është kampioni, piloti numër një dhe ne kemi nevojë për të që të fitojë gara”, – ka përfunduar drejtuesi japonez.
