ASNN – Drejtori administrativ reflekton mbi agimin e një ere të re në këtë sport. Gara e parë e sezonit të Formulës 1 ofroi të dielën plot spektakël nga të gjithë protagonistët e saj, përfshirë edhe një betejë drithëruese për kryesimin. Dhe Drejtori i Formulës 1, Ros Braun, nuk shikon “asgjë negative” sa i përket rregullores së për sezonin 2022, që sipas tij e ka çuar garën shumë përpara krahasuar me makinat e mëparshme, që ishin “të tmerrshme”.
Drejtori i Formulës 1, Ros Braun, nuk shikon “asgjë negative” sa i përket rregullores së për sezonin 2022, që sipas tij e kanë çuar garën shumë përpara krahasuar me makinat e mëparshme, që ishin të tmerrshme. Gara e parë e sezonit të dielën ofroi plot spektakël nga të gjithë protagonistët e saj, përfshirë edhe një betejë drithëruese për kryesimin, teksa Maks Verstapeni brinjë sërë përpjekjesh të pasuksesshme për t’i marrë vendin e parë “Ferrari”-t të Sharl Lëklerkut, përpara se të tërhiqej për shkak të disa problemeve në makinën e tij.
Dhe duke reflektuar mbi agimin e një ere të re në Formula 1, Brauni paralajmëroi se Sakhiri ishte vetëm e para garë me makinat e reja dhe theksoi se Federata Ndërkombëtare e Automobilizmit (FIA), tanimë do të bëjë një analizë të thelluar, për të parë saktësisht sesi ndjekja dhe parakalimi është përmirësuar nga paketa e re aerodinamike. “Kjo është vetëm një garë, kështu që të mos përfshijë vetëkënaqësia”, – deklaroi zyrtari i Formulës 1, kur u pyet nëse rregullorja e re i kishte përmbushur pritshmëritë.
“Por nuk kemi parë asgjë negative në këtë garë dhe kjo është diçka e mirë, – ka vijuar ai. – Mendoj se tani që pilotët kanë dhënë edhe përshtypjet e tyre, FIA do të nisë të shqyrtojë gjithë të dhënat, që të mund të shohim sa kemi ecur përpara. Por makinat e vjetra ishin të tmerrshme, kështu që hapin e parë e kemi bërë. Mendoj se kemi dëshmuar se besueshmëria e makinës është e mjaftueshme për të ecur përpara”, – ka përfunduar Drejtori i Formulës 1, Ros Braun.
