ASNN – Avionët pa pilotë janë përdorur me mjaft sukses në operacione ushtarake, në operacione shpëtimi, për shuarjen e zjarreve apo për qëllime bujqësore, ndërsa pajisjet si ajo që u vërejt në qiellin e Beogradit para një jave, kanë patur më tepër qëllime civile dhe komerciale.
Incidenti i 14 tetorit me objektin fluturues në Stadiumin e Partizanit të Beogradit, gjatë ndeshjes Serbi-Shqipëri, ka të ngjarë të shërbejë si pikënisje e një rishikimi tërësor të legjislacionit dhe administrimit të këtyre pajisjeve fluturuese, që deri më tani ishin konsideruar në fazën e tyre eksperimentale.
Incidenti i 14 tetorit me objektin fluturues në Stadiumin e Partizanit të Beogradit, gjatë ndeshjes Serbi-Shqipëri, ka të ngjarë të shërbejë si pikënisje e një rishikimi tërësor të legjislacionit dhe administrimit të këtyre pajisjeve fluturuese, që deri më tani ishin konsideruar në fazën e tyre eksperimentale.
Megjithatë, përdorimi i këtyre pajisjeve siç ndodhi në ndeshjen e vlefshme për Eliminatoret e Evropianit 2016, ka ngritur shqetësim tek UEFA, por edhe te agjencitë e kontrollit ajror dhe muajin e ardhshëm pritet një takim i zgjeruar midis organizmit që qeveris futbollin kontinental dhe këtyre agjencive, për të shqyrtuar mundësitë e kontrollit dhe shmangies së probleme që mund të krijojë përdorimi i tyre.
Mediat britanike kanë raportuar se një pajisje e tillë është përdorur në mënyrë të paligjshme gjatë një ndeshjeje të Premier Ligës Angleze të Futbollit, midis Arsenalit dhe Totenhemit. Ndërsa ekspertët kanë tërhequr vëmendjen se këto pajisje mund të përdoren për transportimin e shumë gjërave të tjera, përveçse një banderole, si në rastin e Beogradit.
Dhe kjo përbën një rrezik të jashtëzakonshëm duke patur parasysh se në një arenë sportive mund të ndodhen njëkohësisht deri në 80-90 mijë vetë. Ajo që i shqetëson më tepër specialistët është fakti se këto pajisje kushtojnë lirë dhe mund të blihen lehtësisht, por pasojat e përdorimit të tyre mund të jenë vdekjeprurëse.
