ASNN – Një përmbledhje e 320 shkrimeve më të spikatura midis 1,427 të tilla të botuar përgjatë një karriere prej 16 vjetësh si kryeredaktor i të përditshmes sportive shqiptare, “Sport Ekspres”, gazetari i mirënjohur Fatmir Mneri e ka sjellë në një botim voluminoz të titulluar “Fjalëgol”.
“Fjalëgol” është titulluar libri, që është promovuar të enjtes në mjediset e Universitetit të Sporteve në Tiranë, me autor gazetarin e mirënohur Fatmir Mëneri. Themeluesi i të përditshmes sportive shqiptare “Sport Ekspres” dhe ish-kryeredaktori i saj nga 1996 deri më 2012-ën, ka qëmtuar midis 1,427 shkrimeve të botuara në këtë të përditshme dhe prej tyre janë zgjedhur 320 më të spikaturat, që vijnë në këtë botim voluminoz.
Vetë autori ka falënderuar redaktorin e këtij libri, ndërsa ka theksuar se mbetet i përkushtuar në pasqyrimin tashmë të historisë sportive të Shqipërisë. Ky botim voluminoz prej afro 700 faqesh i veteranit të gazetarisë sportive, Fatmir Mëneri, vjen nga Shtëpia Botuese “Onufri”.
