ASNN – Në basketbollin e femrave u shfaqën surprizat e para. U desh të vinte java e tretë që SH.K.B.F. Tirana të merrte kreun e renditjes, pasi mundi në një duel direkt Vllazninë me shifrat 77-62. Ishte një ndeshje mjaft e bukur, me rivalitet, por që diferencën e bënë kryeqytetaset e trajnerit Erdal Borova, në pjesën e parë dhe të katërt, ku treguan superioritet.

Kështu, SH.K.B.F. Tirana fitoi 10-minutëshin e parë me shifrat 23-12, duke e shtangur Vllazninë. Por në pjesën e dytë shkodranet tregojnë cilësi, forcë dhe qëndrueshmëri, duke e balancuar lojën dhe duke e fituar këtë pjesë me shifrat 23-20. Në 10-minutëshin e tretë loja do të ishte krejtësisht e barabartë dhe në fund dy skuadrat shënuan nga 15 pikë secila.

Pra Tirana vijoi ta ruajë epërsinë në rezultat falë pjesës së parë. Por skuadra kryeqytetase nuk i la asgjë rastësisë, ajo fitoi edhe pjesën e katërt me shifrat 19-12 dhe krejt takimin 77-62. Me këtë fitore, Tirana e Borovës parakalon Vllazninë në renditje, duke shkuar në kuotën e 6 pikëve pas 3 javëve dhe duke lënë shkodranet në vend të dytë me 5 pikë.

Ndërkohë, ndeshja tjetër e basketbollit të femrave, të luajtur të premten, ajo midis SH.B.F. Tirana dhe Elbasanit, u fitua thellë nga kryeqytetaset e drejtuara nga Mirza Alibegaj, 102-54. Kjo fitore me rezultat treshifror na kujton se të dyja skuadrat e basketbollit të Tiranës janë për titull këtë sezon dhe do të kenë një rivalitet të spikatur midis tyre.

Sa u përket pjesëve, nuk ka nevojë për koment. SH.B.F. Tirana i fitoi ato përkatësisht 26-6, 29-20, 23-13 dhe 24-15. Këtë të shtunë në Vlorë është luajtur dueli tjetër i Grupit A1 të Kategorisë së Parë të femrave, ku Flamurtari kampion në fuqi ka pritur Studentin, duke e mposhtur me rezultatin bindës, 71-16.

Kampionati Kombëtar

i Volejbollit – Femra

Kategoria e Parë

Grupi A1

Të premten:

SH.K.B. Tirana – Vllaznia     77-62

SH.B.F. Tirana – Elbasani  102-54

Të shtunën:

Flamurtari – Studenti             71-46

Renditja

Nr.       Skuadra                     N.        F.          H.         Psh-Pp      Pikë

1.        SH.K.B.F. Tirana      3          3          0          250-185         6
2. SH.B.F. Tirana          3          2          1          231-186         5
3. Flamurtari                  3          2          1          219-187         5
4.        Vllaznia                     3          2          1          184-183         5
5. Elbasani                    3          0          3          128-156         2
6. Studenti                     0          0          3          113155           2