ASNN – Ka mjaftuar një ndeshje dhe një gol dhe përgëzimet kanë vërshuar si lumë. Kështi, është legjenda e Portugalisë dhe një nga idhujt e Interit, Luis Figo, ai që e ka lavdëruar së fundmi Xherdan Shaqirin, i cili mbrëmë realizoi golin e parë me Interin.
Xherdan Shaqiri ka marrë lëvdata nga ish-futbollisti portugez, pasi realizoi golin e të parë për Interin në fitoren 2-0 ndaj Sampdorias, e cila u mundësoi zikaltërve të kualifikoheshin për në çerekfinale të Kupës së Italisë.
“Është një futbollist me shumë cilësi dhe mendoj se ai mori vendimin e duhur duke iu bashkuar një klubi të madh si Interi dhe për faktin se Inter është një mundësi e madhe për futbollistët e nivelit të parë si ai”, – deklaroi Figo për të përditshmen zvicerane “Blick”.
“Shpresoj që të kalojë një pjesë të dytë fantastike të sezonit dhe të jetë në gjendje ta ndihmojë Interin të arrijë synimet”, – u shpreh ish-futbollisti i Interit, Realit të Madridit dhe Barcelonës.