ASNN – Ka një “El-Klasiko” në fushën e blertë të futbollit spanjoll, por ka edhe një “El-Klasiko” tjetër edhe në parket.

Bëhet fjalë për përballjen midis rivaleve historike të Spanjës, por këtë radhë, dueli Barcelona-Real Madrid do të jetë i vlefshëm për Euroligën e basketbollit të meshkujve.

Kjo ndeshje, që është e vlefshme për javën e 8-të të fazës së ndeshjeve në grupe, do të sillet sonte për sportdashësit drejtpërdrejt nga Rrjeti i Radio-Televizionit Shqiptar, duke nisu nga ora 21:00.

Katalanët vijnë në këtë sfidë pas 4 fitoresh dhe 3 humbjesh në ndeshjet e deritanishme, ndërsa madrilenët pas 5 fitoresh dhe dy humbjesh.

Por Barcelona vjen me një bilanc prej 11 fitoresh dhe 8 humbjesh ndaj rivales madrilene në përballjet e këtij shekulli midis gjigandeve spanjolle të basketbollit të meshkujve.