ASNN – Zyrtarizohen nëngrupet e dy grupeve dhe betejat për ngjitjen në Superiore dhe për të mos rënë më poshtë. Me takimet e javës së 18-të, të zhvilluara në fundjavë, Kategoria e Parë e Kampionatit Kombëtar të Futbollit ka ulur siparin e fazës së saj të dytë, e cila ka shërbyer edhe si përcaktuese për kalendarin e fazës së 3-të. Siç dihet, në bazë të formulës së miratuar paraprakisht, pikët e skuadrave, të grumbulluara brenda dy fazave të para, përgjysmohen dhe vetë skuadrat e dy grupeve, atij të Veriut dhe atij të Jugut, do të ndahen më tej në dy nëngrupe.
5 skuadrat e gjysmës së sipërme të renditjes vijojnë më tej përballjen me njëra-tjetrën, me sistem vajtje-ardhje, betejën për ngjitjen në Kategorinë Superiore, ndërsa 5 skuadrat e gjysmës së poshtme, vijojnë më tej përballjen me njëra-tjetrën, me sistem vajtje-ardhje, betejën për të qëndruar në Kategorinë e Parë dhe për të mos zbritur në atë të dytën. Federata Shqiptare e Futbollit ka zyrtarizuar edhe renditjet e secilit grup dhe ndarjen e nëngrupeve, dhe në pozita më të volitshme në zonën e “play-off”-it në grupin A, apo grupin e Veriut, është Vllaznia.
Ajo është nga 6 deri në 8 pikë e shkëputur nga grupi i skuadrave ndjekëse, që përbëhet nga Erzeni, Besëlidhja, Korabi dhe Dinamo. Ndërsa në zonën e “play-out”-it, më në vështirësi duhet Vora, që ka vetëm 5 pikë. Më e hapur duket beteja në zonën e “play-off”-it në grupin B, apo grupin e Jugut, ky Bylisi është vetëm 3 dhe 5 pikë nga skuadrat ndjekëse, Besa dhe Lushnja. Ndërsa në zonën e “play-out”-it, më në vështirësi duhet Turbina, që ka vetëm 4 pikë.
Kategoria e Parë
Faza e 3-të:
Grupi A – Play-Off
- Vllaznia 22 pikë
- Erzeni 16 pikë
- Besëlidhja 15 pikë
- Korabi 14 pikë
- Dinamo 14 pikë
Grupi A – Play-out
- Veleçiku Koplik 13 pikë
- Burreli 12 pikë
- Shënkolli 10 pikë
- Iliria Fushë-Krujë 10 pikë
- Vora 5 pikë
Grupi B – Play-Off
- Bylis 21 pikë
- Besa 18 pikë
- Egnatia 16 pikë
- Lushnja 14 pikë
- Orikumi 14 pikë
Grupi B – Play-out
- Pogradeci 13 pikë
- Apolonia 12 pikë
- Tomori 9 pikë
- Elbasani 6 pikë
- Turbina Cërrik 4 pikë
