ASNN – Kampionati i 5-të i Ligës Amatore të Volejbollit ka luajtur përgjatë ditëve të javës, nga e hëna, deri të premten, në palestrën e Shkollës 9-vjeçare “Vasil Shanto”, ndeshjet e javës së tij të 4-t dhe, në grupin A, aty ku bëjnë pjesë 10 skuadra dhe ku ndeshjen e fiton skuadra që fiton 3 sete, kryesojnë ekipi i “Ritech” A dhe ai i “Old School”. Këto dy ekipe janë të vetmet që kanë korrur 4 fitore në po aq javë dhe të hënën, “Ritech” A ka mundur në 4 sete skuadrën “Hako”.

Kjo e fundit e fitoi setin e parë 25-23, por “Ritech A” u rikthye të fitojë 3 setet e tjera dhe gjithë takimin 3-1, duke kryesuar tanimë me pikë të plota, 12, teksa ka fituar po aq sete dhe ka lëshuar vetëm 1. Ndërsa “Old School” ka fituar në 3 sete dhe me shifra bindëse ndaj Bankës “BKT” dhe mban vendin e dytë me 11 pikë. Në takimet e tjera, “SmartCom”, Banka “UBA” dhe “Tring” korrën fitore, duke ngjitur shkallë në tabelën e renditjes.

Ndërkaq, në grupin A, aty ku bëjnë pjesë 11 skuadra dhe ku ndeshjen e fiton skuadra që fiton 2 sete, kryesojnë ekipi i “Lufthansa Industry Solutions” dhe ai i Bankës “Credins”, që kanë korrur gjithashtu 4 fitore në po aq javë. “Lufthansa Industry Solutions”, e cila ende nuk ka lëshuar asnjë set, mundi bindshëm në dy sete ekipin e “FAMA”, e cila në 3 javët e para kishte korrur vetëm fitore, ndërsa Banka “Credins” nuk e pati edhe aq të lehtë përballë “Infosoft Systems”, duke lëshuar një set.

E ndërkohë që “FAMA” frenohet, asaj i është bashkuar në kuotën e 6 pikëve edhe “Hygeia”, ndërsa një pikë më prapa është edhe “Raiffeisen Bank”, që fituan në dy sete në javën e 4, përkatësisht ndaj “SIGAL Uniqa” dhe Fondit Shqiptar të Zhvillimit. “Hygeia” ende nuk ka lëshuar asnjë set në 3 ndeshjet e zhvilluara deri më tani, ndërsa 3 ndeshje ka luajtur edhe “Raiffeisen Bank”, që sidoqoftë ka pësuar një humbje. Ndërkohë që Telekom Albania ishte pushim për efekt kalendari, Shoqëria Civile fitoi 2-1 në duelin e fundtabelës me “Ritech” B.

Kampionati i 5-të i Ligës Amatore të Volejbollit

Ndeshjet e javës së 4t:

Grupi A

Hako Volley – Ritech Volley A       (13.01.2020)  1-3      (25-23, 20-25, 17-25, 19-25)

AGNA Group – Smartcom               (14.01.2020)  0-3      (19-25, 21-25, 15-25)

EDEN – UBA Bank                          (15.01.2020)  2-3      (25-18, 28-26, 27-29, 23-25, 5-15)

Old School – BKT Bank                   (16.01.2020)  3-0      (25-7, 25-19, 25-17)

Deka Volley – Tring                          (17.01.2020)  1-3      (25-21, 12-25, 22-25, 10-25)

Renditja

Grupi B

Telekom Albania      (Pushim)

FSHZH – Raiffeisen Bank              (13.01.2020)              0-2      (9-25, 18-25)

Lufthansa I.S. – FAMA                    (14.01.2020)              2-0      (25-19, 25-12)

Credins Bank – Infosoft Systems  (15.01.2020)              2-1      (25-17, 19-25, 15-9)

Hygeia – Sigal Uniqa                    (16.01.2020)              2-0      (25-23, 25-23)

Ritech Volley B – Shoqeria Civile (17.01.2020)              1-2      (25-19, 12-25, 8-15)

Renditja