ASNN – Niveli i dytë i Kampionatit Kombëtar të Basketbollit për Meshkuj, që njihet si Kategoria e Parë, ka luajtur dje takimin e parë të javës së 9-të, duke dëshmuar konkurrencën e madhe që e ka karakterizuar këtë grup prej 4 skuadrash.

Kjo sepse Elbasani është rikthyer në vallen për një vend në Superligë, duke mundur Studentin 64-61 dhe duke u barazuar në renditje me kryeqytetasit, me nga 14 pikë, po aq ka edhe Teuta kryesuese, që sot është mysafire në Korçë për t’u ndeshur me Skënderbeun.

Në ndeshjen e Elbasanit, diferencën për vendasit e ka bërë pjesa e parë dhe ajo e tretë, të cilat skuadra e Arben Xhyrës i ka fituar përkatësisht 21-13 dhe 25-15, duke krijuar një epërsi komode.

Ndonëse skuadra e trajnerit të ri, Henri Moja, është kundërpërgjigjur duke fituar 10-minutëshin e dytë, 12-7, dhe sidomos atë të katërtin 21-11, kjo nuk i ka mjaftuar Studentit të shmangë humbjen 61-64.

ELBASANI – STUDENTI     64-61

(21-13, 7-12, 25-15, 11-21)

ELBASANI: Musta, Biçoku, B. Skëndaj, A. Çela, Koçiasi/Leka, I. Skëndaj, Isufi, Guxho, Balliu, Uruçi, F. Çela. Trajner: A. Xhyra

STUDENTI: Belliu, Danushi, Tufa, Brari, Beqo/Shahini, Fjolla, Lame, Çelmeta, Latifi, Kasemi. Trajner: H. Moja

GJYQTARË: G. Gici (Tiranë), M. Kasemi (Vlorë)

Kampionati Kombëtar

i Basketbollit – Meshkuj

Kategoria e Parë

Java e 9-të

(28 shkurt-1 mars 2015)

Të shtunën:

Elbasani – Studenti             64-61

Të dielën:

Skënderbeu – Teuta           –

Renditja

Nr.       Skuadra         N.        F.         H.        Psh-Pp           Pikë

1. Teuta 8          6          2          573-486         14
2. Studenti 9          5          4          585-558         14
3. Elbasani 9          5          4          597-616         14
4. Skënderbeu 8          1          7          477-570         9