Ekskluzive / Të shtunën, finalja e Kupës, Arjola Prenga: Ta nisim me një trofe!

Share Button

Arjola-Prenga-Randaberg-ekip-2015-black-4-feste

AlbanianSport.com 15.01.2016 23:35

ASNN – Saktësisht pas 14 orësh, kapitenia shqiptare, Arjola Prenga, do ta udhëheqë skuadrën e saj, Randabergun, në parketin e Pallatit të Sportit “Domus Atletika” në Oslo për t’u përballur me skuadrën vendase në finalen e Kupës së Norvegjisë në Volejboll për Femra. Skuadra e re, të cilës Arjola iu bashkua në verë pas një përvoje 3-vjeçare me ekipin e Stod Volejit (tashmë të shpërbërë), me të cilin fitoi dy herë titullin “kampion”, dy herë Kupën e Norvegjisë dhe u shpall dy herë fituese e Ligës Rajonale Nordike të Volejbollit për Femra, tashmë ka shkruar historinë duke shkuar, për herë të parë, në finale të veprimtarisë së dytë të rrjetës norvegjeze.

Kundërshtarja e saj, Oslo Volej, është fituese në fuqi e Kupës, pasi triumfoi vjet në finale pikërisht kundër Stod Volejit të Prengës, dhe vjen në finalen e 5-të radhazi. Trajneri i saj, Marko Miloseviç, pati deklaruar vjet duke buzëqeshur se Arjola Prenga është e vetmja lojtare në Kampionatin Norvegjez që Oslo Volej e ka si prioritet që ta bllokojë. Dhe ka shumë të drejtë, sepse sportistja shqiptare, me 103 pikët e shënuar deri më tani, nga të cilat 9 nga shërbimi, 82 në sulm dhe 12 në bllok, mban hëpërhë vendin e 4-t në renditjen e pikëshënueseve të këtij kampionati, por, krahas shoqes së saj të skuadrës, letonezes Jana Jaudzemas, e cila ka realizuar 109, mbetet favorite për ta fituar edhe këtë trofe simbolik.

Pavarsisht se skuadra e Prengës ka arritur për herë të parë në histori në finalen e Kupës së Norvegjisë dhe përballë ka një kundërshtare më me traditë dhe me më tepër përvojë, ajo që i jep epërsi psikologjike ekipit të shqiptares është forma e këtij sezoni. Në dy sfidat në kampionat, Randabergut fitoi 3-0 (25-23, 25-11, 25-17) në pasdreken e 10 tetorit 20-5, duke vijuar të kapërcente humbjen e dy seteve dhe të përmbyste në 3-2 (25-16, 26-24, 15-25, 16-25, 15-17), ndeshjen e dytë ndaj Oslo Volejit, të luajtur në kryeqytet më 1 nëntor 2015.

Vetë Arjola nuk ka dashur të flasë shumë në prag të kësaj përballjeje, pasi është e ndërgjegjshme që, përtej kontingjentit që Randabergu ka, finalja e Kupës ka veçorinë e saj dhe mund të vendosë shumë përvoja dhe forma në ditën e ndeshjes. “Kampionati ka treguar se, edhe falë trajnerit tonë Jon Eirik Liseth, skuadra ka arritur pjekurinë e nevojshme për të dhënë rezultat atëherë kur duhet dhe, fakti që në 7 takimet e deritanishme, kemi korrur vetëm fitore e dëshmon këtë”, – ka deklaruar ajo, duke folur ekskluzivisht për AlbanianSport.com nga kryeqyteti norvegjez, ku edhe do të luhet të shtunën finalja.

“Megjithatë, finalja e Kupës mbetet finale dhe kërkon përqendrim maksimal, – ka vijuar ajo. – Unë kam besim te vajzat dhe unë besoj që, arritjes për herë të parë deri në finale të Kupës nga ana e Randabergut, ne do t’i shtojmë edhe një trofe, një trofe që unë uroj të jetë vetëm e para në një vazhdë të gjatë.” Finalja e Kupës së Norvegjisë në Volejboll për Femra do të luhet të shtunën, duke nisur nga ora 14:30 në Pallatit të Sportit “Domus Atletika” në kryeqytetin norvegjez, Oslo, dhe do të transmetohet drejtpërdrejt në kanalin e dytë të Televizionit Kombëtar vendas, TBV2.

Artikuj të tjerëFaqja Kryesore

“Kënga e fundit e mjellmës”… një lamtumirë për 5 futbollistë kuqezi

“Kënga e fundit e mjellmës”… një lamtumirë për 5 futbollistë kuqezi

AlbanianSport.com 15/11/2024 23:40 ASNN – Për herë të fundit në ngjyrat kuqezi, 5 futbollistë i japin

(Video) Kombëtarja / Kuqezinjtë mbyllin përgatitjet për sfidën çeke

(Video) Kombëtarja / Kuqezinjtë mbyllin përgatitjet për sfidën çeke

AlbanianSport.com 15/11/2024 22:30 ASNN – Liga e Kombeve, Kombëtarja mbyll përgatitjet në “Arenën Kombëtare”, gati për ndeshjen ndaj Çekisë. Kështu, Shqipëria e futbollit është gati për takimin e parë të nëntorit ndaj Çekisë, teska skuadra kuqezi, me në krye trajnerin Silvinjo, mbylli mbrëmjen e së premtes përgatitjet në Stadiumin “Arena Kombëtare” në kryeqytet. Sipas burimeve

(Video) Kombëtarja / Silvinjo: Formacioni? Do të pres deri në fund

(Video) Kombëtarja / Silvinjo: Formacioni? Do të pres deri në fund

AlbanianSport.com 15/11/2024 21:55 ASNN – Trajneri i Kombëtares, Silvinjo, tregoi edhe se si paraqitet

(Video) Kombëtarja / Silvinjo: Luajmë para tifozëve tanë, japim gjithçka!

(Video) Kombëtarja / Silvinjo: Luajmë para tifozëve tanë, japim gjithçka!

AlbanianSport.com 15/11/2024 20:45 ASNN – I pyetur në konferencën për shtyp të të premtes, në prag

Video) Kombëtarja / Silvinjo: Çekia, një “njohje e vjetër”, por lipset 100%

Video) Kombëtarja / Silvinjo: Çekia, një “njohje e vjetër”, por lipset 100%

AlbanianSport.com 15/11/2024 19:35 ASNN – Duke iu referuar më tej në konferencën e tij për shtyp

  

Kuqezinjtë në “Gjermani 2024” – Vendi Organizator & Të rejat më të fundit

banner
banner
banner

Arkiva

banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh