ASNN – Niveli i dytë i Kampionatit Kombëtar të Futbollit, Kategoria e Parë, ka luajtur t-n dielën dy ndeshjet e fundit të javës së tij të 17-të, me 4 skuadra që zbritën në fushën e lojës. Dhe Vora korri fitoren e 3-të radhazi, duke mposhtur në shtëpi Luzin 2008 me rezultatin 3-1 falë golave të Prengajt dhe Xhabrahimit. Në duelin tjetër, Besa dhe Burreli ndanë pikët në një barazim pa gola që nuk i shërbeu asnjërës.

Kështu, me dy takimet e sotme, Kategoria e Parë kanë mbyllur ndeshjet e javës së 17-të, që duhet thënë se nuk u zhvilluan të gjitha, pasi takimi i planifikuar për të shtunën  midis Kastriotit dhe Bylisit, u shty, për shkak të reshjeve të shumta të shiut që e bënë fushën e Stadiumit “Redi Maloku” në Fushë-Krujë, të papërshtatshme për një përballjeje normale futbolli.

Ndërkaq, të dielën, Vora nuk ka gabuar në shtëpi, duke mposhtur me rezultatin 3-1 Luzin 2008 dhe duke marrë 3 pikë të rëndësishme, që e ngjisin në vendin e 3-të në tabelën e renditjes, në kuotën e 33 pikëve. Skuadra e trajneri Klodian Arbrit e mbylli pjesën e parë në epërsi falë golit të shënuar nga Prenga në minutën e 24-t. Luzi barazon shifrat me Trenin në pjesën e dytë, në minutën e 62-të.

Por Vora reagon menjëherë me Xhabrahimin, që shënon golin e dytë të skuadrës së tij. Sulmuesi 27-vjeçar shënon edhe golin e dytë vetjak pak minuta më vonë, duke vulosur fitoren 3-1 të Vorës. Nuk ka fitues dhe gola në ndeshjen tjetër të ditës, pasi Besa dhe Burreli janë ndarë në barazim të bardhë 0-0. Skuadrat ndajnë nga një pikë, por vazhdojnë të qëndrojnë në zonën e ftohtë që të zbret një kategori më poshtë.

Kategoria e Parë

Java e 17-të

Të premten, 19 janar 2024:

AF ELBASANI – KORABI                           2-1

Shënues: Karakaçi 41’(11-m.), Lila 54’ / Kasalla 31’

Të shtunën, 20 janar 2024:

APOLONIA – FLAMURTARI                       1-1

Shënues: Harizaj 19’(11-m.) / Ramadani 11′

LUSHNJA – TOMORI                                   2-2

Shënues: Lerouks 10’, Canka 12’ / Gjoni 35’, Lila 65’

KASTRIOTI – BYLIS                                     (E shtyrë)

Të dielën, 21 janar 2024:

BESA – BURRELI                                        0-0

VORA – LUZI 2008                                       3-1

Shënues: Prengaj 24’, Xhabrahimi 62’, 86’ / Treni 62’

Renditja

Nr.    Skuadra         N.        F.         B.        H.        Gsh-Gp          Pikë

1. AF Elbasani  17        12        3            2        35-18              39
2. Bylisi               16        12        3            1        26-11              39
3. Vora                17        10        3            4        34-21              33
4. Flamurtari      17          9        4            4        21-13              31
5. Apolonia        17          7        6            4        27-14              27
6. Korabi             17          6        5            6        15-11              23
7. Lushnja          17          5        4            8        21-30              19
8. Burreli             17          4        4            9        10-22              16
9. Kastrioti          16          3        6            7        14-21              15
10. Besa             17          2        6            9        15-26              12
11. Luzi 2008 17          3        3          11        18-27              12
12. Tomori 17          2        5          10        10-32              11