Tirana e bën zero Elbasanin. Jo thjesht sepse ka fituar, ashtu sikurse ndodh zakonisht, 3-0, por sepse setin e tretë e ka fituar 25-0. E rrallë për volejbollin shqiptar. Madje duhen hapur arkiva për ta gjetur se kur ka ndodhur për herë të fundit, ndoshta mund të jetë që në kohën kur volejbolli luhej me 15 pikë një set.
Sepse ky është niveli i volejbollit shqiptar, ndërsa 25-0 mund të jetë vetëm në kushtet kur skuadra nuk paraqitet në fushën e lojës. Dhe në fakt e ka nisur Paloka (Shkurti) në shërbim në setin e tretë, e ka vazhduar Meta, asnjë top gabim, por në të njëjtën kohë as dhe një tentativë e Elbasanit për të pritur topin e për të organizuar sulmin.
Një formë proteste që e ka një arsye, të cilën për “Sport Ekspres” e ka shpjeguar Shadini në emër të verdhebluve: “E bëmë për protestë. Nuk kemi asnjë fond dhe asgjë nga klubi e vijmë të luajmë me paratë tona”. Dhe ndodh në Elbasan, që në fakt ka një traditë, sepse më 1993 e ka pasur fituese të Kupës së Shqipërisë skuadrën e femrave në volejboll.
Por e djeshmja është rikthim prapa. Një furgon ka sjellë Elbasanin për femra në Pallatin e Sportit “Asllan Rusi” për të vijuar më pas rrugën për në Durrës me meshkujt. Dhe gjendja është e atillë sa sipas burimeve të sigurta Elbasani mund të mos vijë në dy ndeshjet në vazhdim ndaj Partizanit dhe Skënderbeut, pasi duhet ta paguajnë vetë furgonin.
Kupa e Shqipërisë 2018
Volejboll – Femra
Kalendari i fazës eliminatore:
Grupi A
Dita e parë
(2 dhjetor 2016)
Barleti Volej – Lushnja 3-0
(25-17, 25-11, 25-19)
Teuta – Vllaznia 3-0
(25-17, 25-18, 25-19)
Dita e dytë
(3 dhjetor 2016)
Vllaznia – Lushnja 3-2
(22-25, 25-21, 23-25, 25-22, 17-15)
Barleti Volej – Teuta 3-0
(25-19, 25-17, 25-10)
Dita e 3-të
(4 dhjetor 2016)
Teuta – Lushnja 3-0
(25-6, 25-18, 25-20)
Barleti Volej – Vllaznia 3-0
(25-21, 25-18, 25-15)
Renditja
Nr. Skuadra N. F. H. Setet Pikë
- Barleti Volej 3 3 0 9-0 9
- Teuta 3 2 1 6-3 6
- Vllaznia 3 1 2 3-8 2
- Lushnja 3 0 2 2-9 1
Grupi B
Dita e parë
(9 dhjetor 2016)
Tirana – Elbasani 3-0
(25-10, 25-16, 25-0)
Partizani – Skënderbeu 3-0
(25-8, 25-22, 25-14)
Renditja
Nr. Skuadra N. F. H. Setet Pikë
- Tirana 1 1 0 3-0 3
- Partizani 1 1 0 3-0 3
- Skënderbeu 1 0 1 0-3 0
- Elbasani 1 0 1 0-3 1
Dita e dytë
(10 dhjetor 2016)
Elbasani – Partizani ora 15:00
Tirana – Skënderbeu ora 17:00
Dita e 3-të
(11 dhjetor 2016)
Skënderbeu – Elbasani ora 15:00
Partizani – Tirana ora 17:00
