ASNN – Përkundër pritshmërive, Adnan Januzaj, nuk do të largohet nga futbolli anglez. Por kjo s’do të thotë që ai do të vazhdojë të luajë te Mançester Junajtid.
Megjithatë, me shumë gjasa, mesfushori kosovar nuk do të largohet nga Premier Liga Angleze e futbollit.
Ish-shefi i PSV-së së Eind’hovenit, Frank Arnesen, ka deklaruar se do të jetë problem për këtë skuadër për të siguruar shërbimet e Adnanit.
Kjo sepse, sipas tij, ky i fundit do të përfundojë te Evertoni. “Në PSV, unë i njoh njerëzit këtu”, – u shpreh Arnesen.
“Ardhja e Januzajt do të ishte sikurse ta fitonin titullin, – ka vijuar ai. – Gjithsesi, unë nuk mendoj se Januzaj dëshiron të largohet nga Anglia.”
“Unë e di se Roberto Martinez (trajneri i Evertonit), çmendet pas tij”, përfundoi Ish-shefi i PSV-së së Eind’hovenit, Frank Arnesen.
