ASNN – Në fakt, e 23-ta ishte java e Tiranës, pasi të gjitha skuadrat e kreut u ndalën në mënyrë të pabesueshme. Bardheblutë kanë mundësinë të rifuten në garë për titull dhe këtë mund ta bëjnë sërish nga derbi i kryeqytetit, sërish më një ish-portier në stol. Sidoqoftë, nuk duhen ushqyer iluzione, pas kampionët në fuqi nuk janë skuadra e vjetshëm dhe ata e dinë vetë diçka të tillë.

Të shtunën, duke nisur nga ora 13:00, një orar i pazakontë ky për një derbi të madh të kryeqytetit, Tirana përballet me Partizanin në Stadiumin “Selman Stërmasi” dhe shpreson që fitorja e vet të shoqërohet edhe me ndonjë ndalim tjetër të rivalëve. Nga ana tjetër, Partizani do të mundohet të bëjë autokritikë, pas asaj disfate të dielën me Skënderbeun.

Një rezultat negativ mund të lëkundë seriozisht pozitat e të kuqve në betejën për kreun. Ndërkaq, java e 24-t sjell disa duele interesante, me Vllazninë që e ngre siparin me një ndeshje kundër Bylisit të premten. Në të njëjtën ditë dhe orë (13:00), Kukësi pret Apoloninë në Elbasan, kurse të nesërmen Laçi do të tentojë të reagojë në fushë të huaj me Skënderbeun.

Java e 24-t mbyllet me duelin Teuta-Kastrioti, që luhet të shtunën, duke nisur nga ora 16:00 në Stadiumin “Niko Dovana” të Durrësit. Bregdetarët e trajnerit Edi Martini ndajnë vendin e dytë dhe të 3-të me Laçin, me nga 41 pikë, një më pak sesa Vllaznia kryesuese, por dy pikë më tepër sesa Partizani i vendit të 4-t. Tirana mban vendin e 5-të, por është ngjitur në kuotën e 35 pikëve, 4 pikë më tepër sesa Kukësi i vendit të 6-të dhe 7 më teoër sesa Kastrioti.

KATEGORIA SUPERIORE

JAVA E 24-T

Të premten, 12 mars 2021:

Vllaznia – Bylis         Ora 13:00

Kukësi – Apolonia    Ora 13:00

Të shtunën, 13 mars 2021:

Tirana – Partizani     Ora 13:00

Skënderbeu – Laçi   Ora 13:00

Teuta – Kastrioti        Ora 16:00

Renditja

Nr.       Skuadrat        N.        F.         B.        H.        Gsh-Gp          Pikë

1. Vllaznia         23        12          6          5        28-15              42
2. Teuta              23        10        11          2        24-11              41
3. Laçi                 22        11          8          4        30-18              41
4. Partizani        23        10          9          4        32-15              39
5. Tirana             23          9          8          6        23-16              35
6. Kukësi            23          9          4        10        30-28              31
7. Kastrioti          23          7          7          9        19-26              28
8. Bylis               23          4          7        12        16-29              19
9. Apolonia        23          3          7        13        14-35              16
10. Skënderbeu 23          3          7        13        20-43              16