ASNN – Luhet të shtunën dhe të dielën, spikat dueli i kreut, Ballkani-Malisheve dhe derbi i Gjilanit. Niveli më i lartë i Kampionatit të Futbollit të Kosovës, Superliga, luan në fundjavë takimet e javës së saj të 6-të dhe dalëngadalë kanë nisur të përvijohen edhe dy grupet e ekipeve, nga njëra anë ato që do të luftojnë për titullin “kampion” dhe për një vend në Kupat e Evropës sezonin e ardhshëm, dhe nga ana tjetër, ato që do të luftojnë për mbijetesën.
Dhe të këtij grupit të fundit janë përballjet që do të luhen të shtunën, duke nisur nga ora 15:00, teksa Llapi i vendit të fundit pret në fushën e vet Drenicën e Skënderajt, që mban vendin e 4-t. Ndërkaq, Dukagjini i vendit të parafundit viziton Ulpianën, që është vetëm një shkallë më lart në renditje. Të dielën luhet 3 ndeshjet e tjera, që gjithashtu nisin në ora 15:00 dhe spikat dueli midis Ballkanit kryesues dhe të papriturës së këndshme të këtij sezoni, Malishevës.
Skuadra nga Suhareka ka 11 pikë pas 5 javëve të parë, një më tepër sesa Malisheva, dhe dueli i së dielës do të jetë një sprovë për të dyja skuadrat sa i përket potencialit të tyre për të luftuar për kreun. Ndërkaq, nga kjo përballje synon të përfitojë Drita e Gjilanit, që ndan vendin e parë dhe të dytë me Ballkanin, me nga 11 pikë secila. Por Drita nuk pritet ta ketë të lehtë të dielës, sepse përballet në derbin e qytetit me Gjilanin, që mban vendin e 5-të, me 6 pikë.
Në takimin e fundit, Prishtina udhëton drejt Drenasit, për t’u ndeshur me Feronikelin.
Superliga e Kosovës
Java e 6-të:
Të shtunën, 25 shtator 2021:
Llapi – Drenica (15:00)
Ulpiana – Dukagjini (15:00)
Të dielën, 26 shtator 2021:
Drita – Gjilani (15:00)
Feronikeli – Prishtina (15:00)
Malisheva – Ballkani (15:00)
Renditja
Nr. Skuadra N. F. B. H. Gsh-Gp Pikë
- Ballkani 5 3 2 0 8-4 11
- Drita e Gjilanit 5 3 2 0 5-1 11
- Malisheva 5 3 1 1 8-3 10
- Drenica Skënderaj 5 3 1 1 6-5 10
- Gjilani 5 1 3 1 5-5 6
- Feronikeli 5 2 0 3 4-4 6
- Prishtina 5 1 2 2 5-6 5
- Ulpiana 5 1 1 3 7-10 4
- Dukagjini 5 0 2 3 4-7 2
- Llapi 5 0 2 3 1-8 2