ASNN – Megjithë përpjekjet, dy Koretë vazhdojnë të përfaqësohen veçmas. “Pa zgjidhur problemin e arsenalit atomik në Korenë e Veriut, nuk mund të ketë diplomaci koreane të përbashkët në sportet olimpike.” Kështu është shprehur analisti Go Mjong-hjun rreth diplomacisë sportive në gadishullin e ndarë të Koresë. Kur lojtarët e hokeit në akull të Koresë Veriut dhe asaj të Jugut garuan së bashku në Lojërat Olimpike në Pjeongçeng, u pa si një simbol i progresit të shpejtë diplomatik.
Por me Pjong-jengun që i nënshtrohet sanksioneve të shumta ndërkombëtare mbi programet e tij bërthamore dhe balistike, sportet janë një nga sferat e pakta ku bashkëpunimi i vërtetë është i mundur midis dy vendeve. Megjithatë, analistët thonë se diplomacia sportive në gadishullin e ndarë nuk do të shkojë askund pa përparime të prekshme në çështjet themelore që rrethojnë arsenalin atomik të Veriut. Organizatorët e Lojërave e shpallën ngjarjen e vitit 2018 në Pjeongçang, një “Olimpiadë Paqe”.
Ndërsa dy Koretë krijuan një skuadër të përbashkët, e para e unifikuar e Olimpiadës. 12 muajt e fundit edhe sporte të tjera kanë ndjekur gjurmët e tyre, edhe pse rezultatet kanë qenë të përziera. Ekipi i hendbollit të meshkujve i humbi të gjitha ndeshjet, ndërsa skuadra e pingpongut të femrave arriti deri në gjysmëfinale të Kampionatit Botëror të këtij sporti. Sidoqoftë, çdo ekip i ri i unifikuar ka zhvilluar më pak ndeshje duke treguar mosinteresim publik.
“Diplomacia sportive, nuk do të jetë e qëndrueshme nëse nuk zgjerohet edhe në shkëmbime të tjera,” – ka thënë Go Mjong-hjun, analist në Institutin e Studimeve të Politikave “Asan”. Prania e Koresë së Veriut në Lojëra ishte një moment transformues në gadishull, ku Pjong-jengu dhe Seuli, u bënë aleatë. Megjithatë ata mbeten teknikisht në luftë, pasi paqja është vendosur vetëm me anë të një armëpushimi, sesa një traktat paqeje.
Dhe në 2017-ën, u pa se si shpërthyen tensionet kur Veriu shpërtheu pajisjen bërthamore më të fuqishme ndonjëherë dhe nisi raketa në të gjithë kontinentin e SHBA. Në ceremoninë e hapjes të Olimpiadës Dimërore, presidenti koreanojugor Mun u ul në ul në zonën VIP me Zëvendëspresidentin amerikan, Majk Pens, dhe motrën e kreut të Koresë së Veriut, Kim Jo Xhong. Ndërsa Pjong-jengu dhe Seuli kanë njoftuar planet për një kandidaturë të përbashkët për të organizuar Lojërat Verore të vitit 2032.
