ASNN – Liga e Kampioneve ka luajtur të martën ndeshjet e para të dy çifteve të para të turit të 16-shes, dhe Roma ka mposhtur Porton 2-1. Për trajnerin e Romës, Eusebio di Françesko, sfida e kthimit do të jetë po aq e vështirë sa kjo e para. Ndërsa homologu i tij portugez, Serzhio Konseisao, e ka të gatshme recetën e lojës për ndeshjen e kthimit. Gjithçka është e hapur edhe pse Roma e fitoi takimin e parë të turit të 16-shes së Ligës së Kampioneve ndaj Portos, duke triumfuar në shtëpi me shifrat 2-1. Për trajnerin e Romës, Eusebio di Françesko, sfida e kthimit do të jetë po aq e vështirë sa kjo e para.
“Ishim të pafat tek goli që pësuam, – ka theksuar trajneri roman. – Ai gol u jep atyre më tepër forcë dhe neve më pak. Përjetuam sërish makthet e së shkuarës kur u gjetëm shpesh të papërgatitur. Sidoqoftë, reaguam mirë dje patëm mundësi të gjenim edhe një gol të 3-të, që do të kishte qenë mjaft pozitive për ne. E meritonim atë gol të 3-të, nga ajo që pamë në fushë kundër një skuadre që ju garantoj se ishte shumë e vështirë për t’u përballur me të.” Ndërsa homologu i tij portugez, Serzhio Konseisao, e ka të gatshme recetën e lojës për ndeshjen e kthimit.
“Ndeshja e kthimit luhet pas 3 javësh dhe do të shohin si do të shkojë, – ka deklaruar ai. – Por ne nuk duhet të humbim identitetin tonë, duhet ta ruajmë atë përtej rezultatit të kësaj ndeshjeje. Ne kemi shumë respekt për kundërshtarin tonë. Prandaj duhet të luajmë me intensitet, me një ritëm të lartë loje që t’i vëmë ata në vështirësi. Kjo është ajo që duhet të bëjmë në ndeshjen e kthimit ndaj Roma.” Roma shënoi dy gola në minutën e 70-të dhe të 76-të, por Porto shkurtoi largësinë me një gol të vlefshëm në fushë të huaj në minutën e 79-të.
