ASNN – “Bukuria e madhe” e Romës mbyll Xhiron e Italisë për herë të katërt dhe zyrtarizon triumfin e 33-vjeçarit Kris From, që ngjitet në podium me Koloseun në sfond, ndërsa ngjan me të vërtetë si perandor. Pa njolla suksesi i britanikut, autori i dy sulmeve fantastike mbi Zonkolan dhe të premten e kaluar në Bardonekia, ndërsa ka bërë një shkëputje, që do të mbahet mend gjatë.
Etapa e 21-të dhe e fundit e Xhiros së Italisë, me një parakalim festiv mes rrugëve të kryeqytetit, që ka pasur dhe një cirkuit prej 11.5 kilometrash për t’u përsëritur dhjetë herë. Por etapa e fundit është neutralizuar pas xhirosh për të shkak të protestës së garuesve ka përfunduar me fitoren e Sam Benet, që djeg në sprit Elia Vivianin. Kris From është tashmë në historinë e çiklizmit botëror, ndërsa trofetë e tij janë të mrekullueshme.
44 fitore në karrierë, dy medalje të bronzta në Lojërat Olimpike, 4 fitore në Turin e Francës, një Kampionat Botëror të Kronometrit dhe një Tur të Spanjës. I mungonte në listë vetëm Xhiro e Italisë, që e ka arritur tashmë, me një triumf epik që ka shtangur dhe çiklistët “robotë”.
Sulmi i tij i fuqishëm 83 kilometra nga fundi i etapës së tretë nga mbyllja e Xhiros së Italisë do të mbetet në historinë e Xhiros së Italisë, ndërsa keniani i bardhë është transformuar tashmë në legjendë. Një herë të vetme ka garuar si rivalët e tij Nibali dhe Kontador duke treguar karakter, fantazi dhe një nxitje të turmës për ta mbështetur, që rikthehet pas 20 vitesh, që nga koha e piratit Pantani në Turin e Francës.
