ASNN – Trofeu i “Turit të Francës”, i fituar nga Zheront Tomas është vjedhur në një ekspozitë. Teksa kanë qenë të ekspozuar të tre trofetë, të cilat u fituan nga Tomas dhe britaniku Kris From, nga shtatori i vitit të kaluar, deri në korrik 2018. Trofeu i ishte dhënë në huazim furnizuesit të tyre të biçikletave “Pinarello” për t’u paraqitur në një ekspozitë që u mbajt në Birmingham.

Sipas mediave trofeu ishte vjedhur në momentin kur ishte lënë pa mbikëqyrje, ndërsa ekspozita ishte në ditët e saj të fundit. Çështja është tani subjekt i një hetimi policor. “Është jashtëzakonisht një gjë e keqe kjo që ka ndodhur, – tha Tomasi. – Trofeu është me vlerë mjaft të kufizuar për këdo që e mori, por do të thotë shumë për mua dhe për ekipin.”

“Shpresojmë se kushdo që e ka marrë do të ketë mirësinë për ta kthyer, – ka vijuar ai. – Ky trofe është i rëndësishëm, por në të vërtetë ajo që ka më shumë rëndësi janë kujtimet e mahnitshme nga kjo verë e pabesueshme – dhe askush nuk mund t’i marrë ato kurrë”. Riçard Hemington, drejtor ekzekutiv i Pinarello “UK”, tha: “Ne jemi të shkatërruar për këtë që ka ndodhur.”

“Ne pranojmë përgjegjësinë e plotë dhe i kemi kërkuar personalisht falje Tomasit. Natyrisht, të gjithë shpresojmë që trofeu të mund të rikuperohet”, – ka përfunduar ai.