ASNN – Federata Shqiptare e Çiklizmit zhvilloi ditët e fundit garën e parë për vitin 2019, pikërisht trofeun “Tirana”, me pjesëmarrje të gjerë të 3 kategori moshave, duke nisur me paratërinjtë, të rinjtë dhe Elitë & Nën-23-vjeç. Itinerari ishte i përcaktuar dhe për të rinjtë përfshinte segmentin TEG-Green Garden dhe kthim me gjatësi 56 kilometër. Kurse për të rinjtë dhe Elitë & Nën-23-vjeçarë ishte përcaktuar rruga që përshkon tunelin Krrabë-Elbasan, kthesa e Peqinit dhe kthim, me një gjatësi prej 108 kilometra.
Referuar informacioneve të përcjella nga vetë FSHÇ-së, pati pjesëmarrje të gjerë nga ekipet e Vllaznisë, Tiranës, Elbasanit, Apolonisë, Skënderbeut, Flamurtarit, Partizanit, Teutës e disa ekipeve të tjera. Në fund janë shpallur edhe sportistët fitues për secilën kategori dhe janë dhënë certifikatat e suksesit, ndërkohë që çiklizmi do të kthehet në fund të marsit me një tjetër veprimtari të rëndësishme, sikurse është Kupa “Demokracia” që do të zhvillohet në Kavajë më 26 mars.
Kurse veprimtaria më e spikatur do të jetë Rrethi i Shqipërisë, që do të mbahet nga data 20, deri më 24 maj 2019. Veprimtari të ngjeshura këto të çiklizmit shqiptar, i cili vijon të ruajë një status preferencial në sport për shkak të pjesëmarrjes së gjerë dhe elementëve të spikatur që dalin nga qytetet e Shqipërisë që kanë traditë në këtë sport të shëndetshëm.
Trofeu “Tirana 2019”
Paratërinjtë
Itinerari: TEG – Green Garden-kthim (56 km)
- Anastas Dhimitri (Skënderbeu) 1orë, 46 minuta, 40 sekonda
- Mateo Balaj (Vllaznia) +1 sekondë
- Alket Tafaj (Elbasani) +2 sekonda
Të rinjtë
Itinerari: Krrabë-Kthesa e peqinit-Krrabë (108 km)
- Gjergj Zefi (Vllaznia) 2 orë, 13 minuta, 21 sekonda
- Ilia Cota (Skënderbeu) +3 minuta, 19 sekonda
- Dëfrim Dhoka (Vllaznia) +3 minuta, 20 sekonda
Elitë & Nën-23 vjeç
Ininerari: Krrabë-Kthesa e Peqinit-Krrabë (108 km)
- Besmir Banushi (Tirana) 2 orë, 12 minuta e 17 sekonda
- Bruno Kola (Vllaznia) +55 sekonda
- Astrit Krronaj (Vllaznia) +56 sekonda
