Në përfundim të garës së paratërinjve, çiklistët shkodranë janë sulmuar nga vlonjatët, ndërsa është goditur trajneri i Vllaznisë, Leonard Kola. Tek Elita/Nën-23-vjeçarët, Iltjan Nika ka pretenduar që është penguar nga Eugert Zhupa dhe nuk është ngjitur në podium. Kështu, çiklizmi shqiptar i ka shpallur kampionët kombëtar individual të garës së rrugës mes polemikave, debateve, zënkave dhe goditjeve.

Ndaj dhe si rrjedhojë presidenti i Federatës Shqiptare të Çiklizmit, Skënder Anxhaku, ka paralajmëruar masa për të gjitha ngjarjet që u ndeshën në Kampionatin Kombëtar Individual, i cili për Elitën/Nën-23-vjeçarët ishte një provë përfundimtare përpara Kampionatit Ballkanik, që me 1-3 korrik do të zhvillohet në Elbasan

Në fakt, të rinjtë kanë qenë e vetmja grupmoshë që e ka përfunduar gjithçka në qetësi, ndërsa Klidi Jaku në vendin e parë i shoqëruar nga Kledison Cani dhe Erjon Toska ka hapur shishen e shampanjës. “Fair-Play”, por Anxhaku i ka kërkuar të gjithë të ndjekin shembullin e tij.

Kampionati Kombëtar Individual

i Çiklizmit – Meshkuj

Rezultatet teknike:

Paratërinj:

(6 xhiro TEG – Kristal Center – 75 km)

Nr.       Çiklisti (Skuadra)                 Koha

1. Bruno Kola (Vllaznia)         2h07’01”
2. Sokol Morana (Vllaznia)     + 1”
3. Amarildo Goga (Apolonia)  + 2”

Të Rinj:

(TEG – Kristal Center – Tuneli i Elbasanit – 124 km)

Nr.       Çiklisti (Skuadra)                 Koha

1. Klidi Jaku (Romanjol Itali)  2h03’11”
2. Kledison Cani (Vllaznia)    2h03”34
3. Erjon Toska (Teuta)             2h08’40

Elitë – Nën-23-vjeçarë:

(TEG – Kristal Center – Tuneli i Elbasanit – Rrogozhinë

– Gracen – TEG – Kristal Center e kthim – 174 km)

Nr.       Çiklisti (Skuadra)                 Koha

1. Eugert Zhupa (Southest)   4h29’03
2. Iltjan Nika (Botekia)             – “ –
3. Redi Halilaj (Amaro Vita)    – “ –