Etapa e radhës së Rrethit të 71-të Çiklistik të Shqipërisë ka pasur edhe risi e probleme. Për herë të parë kjo etapë ka përshkruar rrugën më të re në Qarkun e Dibrës, atë Rrëshen-Burrel, duke devijuar rrugën e zakonshme Milot-Burrel.

Burime pranë stafit organizator të Rrethit të 71-të Çiklistik të Shqipërisë sqaruan se katër çiklistë janë lënduar në afërsi të fshatit Zenisht. Shumë shpejt atyre u është dhënë ndihma e parë nga stafi mjekësor, që shoqëronte çiklistët në garë.

Çiklisti i Elbasanit, Klinti Gremi, ka pësuar një frakturë në gjymtyrët e poshtme dhe organizatorët janë detyruar të kërkojnë ndihmë më të specializuar nga mjekët e spitalit “Xhavit Mara”, Burrel.

Pas etapës së dytë të Rrethit të 71-të Çiklistik në renditjen e përgjithshme individuale e kryeson Stojanoviçi i Novi Pazar, ndërsa atë ekipore, ekipi i Apolonisë. Pas etapës së dytë të Rrethit të 71-të Çiklistik në renditjen e përgjithshme individuale kryeson Stojanoviç i Novi Pazar dhe ekipi i Apolonisë.

Etapa e tretë e Rrethit të 71-të çiklistik të Shqipërisë do të jetë Burrel-Durrës, e gjatë 110 kilometra.

Rrethit i 71-të Çiklistik i Shqipërisë

Fituesit e etapës së dytë,

Shkodër-Burrel 98.3 kilometra

1) Marko Stojanoviç (Novi Pazar)  3h05’08”

2) Hyrmet Kastrati (Teuta)               3h06’45”

3) Demir Muliç (Mali i Zi)                 3h06’46”