Pas paraqitjes së mirë në Xhiron e Turqisë, teksa kthehej nga një dëmtim në klavikul në Belgjikë, çiklisti shqiptar është zgjedhur si pjesë përbërëse e “Sauthuest Uillier Triestina”. Viti i dytë për të në këtë garë. Eugert Zhupa, është “shqiponja kuqezi” në Xhiron e Italisë, e cila dje ka nisur me garën e kronometrit në Apeldorn të Holandës me një gjatësi prej 9.8 kilometrash.
Zhupa ka pedaluar mirë, ndërsa ka pasur kohën 12’33”, teksa ka qenë 1 sekondë 33 të qindtat larg vendit të parë. Në përfundim në etapën e parë ka zënë vendin e 193-të mes 198 pjesëmarrësve. Por si një “shqiponjë kuqezi”, ndërsa dje ka pedaluar me fanellën e kampionit të Shqipërisë, sepse ashtu është rregulli në etapën e parë të Xhiros së Italisë. Në fakt, Zhupa është për herë të dytë në Xhiron e Italisë.
Ka pasur një paraqitje të mirë në Turqi e për rrjedhojë është zgjedhur si pjesë përbërëse e “Sauthuest Uillier Triestina, edhe pse vinte nga dëmtimi në klavikul në një garë në Belgjikë. Përtej kësaj ai është stërvitur fort, duke u marrë shembull dhe nga mediat italiane për këmbënguljen për t’u stërvitur pavarësisht dëmtimit. Prej tij pritet një paraqitje shumë e mirë në Xhiron e Italisë.
Ndërsa nga Federata Shqiptare e Çiklizmit pritet që të jetë edhe në Kampionatin Individual në qershor, sikurse dhe në Kampionatin Ballkanik të U-23 dhe Elitës, që do të zhvillohet në Elbasan më 1-3 korrik. Dhe të gjithë shqiptarët janë krenar që kanë një përfaqësuesin e tyre në Xhiron e Italisë si Eugert Zhupa.
Xhiroja e Italisë 2016 në Çiklizëm
Rezultatet teknike të etapës së parë
(Apeldorn-Apeldorn 9.8 km)
1) Tom Dumulin (Holandë) 11’03”21
2) Primoz Rogliç (Slloveni) 11’03”22
3) Andrei Amador (Kosta Rika) + 6”
4) Tobias Ludvigson (Suedi) + 8”
5) Marsel Kitel (Gjermani) + 11”
6) Moreno Mozer (Itali) + 12”
7) Bob Jungels (Luksemburg) + 13”
8) Fabian Kançelara (Zvicër) + 14”
9) Matias Brandle (Austri) + 14”
10) Silvian Dilier (Zvicër) + 16”
————————————————————–
193) EUGERT ZHUPA (SHQIPËRI) + 1’33”
