Tërhiqet pas 66 kilometrash Mikel Landa, pretendent për ta fituar këtë tur çiklistik, një largim i rëndë për organizatorët, ndërsa skuadra “Skai” e ka justifikuar për shkak të një gjendje gastroenteriti viral.
Sa për çiklistin shqiptar, Eugert Zhupa, pas pushimit mund të konsiderohet se ka bërë një garë të mirë, teksa ka ardhur në finish i 98-ti, por në renditjen e përgjithshme ka humbur tre vende.
Ka qenë në fakt një tërheqje e rëndë për Xhiron e Italisë, ndërsa Mikel Landa Meana ka braktisur etapën e dhjetë pas 66 kilometrash. Spanjolli ishte i teti në renditjen e përgjithshme dhe mes favoritëve për të fituar Xhiron e Italisë.
Por ai është dorëzuar pasi ishte 7 minuta vonesë në ngjitjen e parë të ditës, e cila ishte e Kategorisë së Tretë, në Paso dela Kolina. “Skai”, skuadra me të cilën konkurron spanjolli, ka bërë të ditur se çiklisti nuk ishte mirë gjatë natës dhe është zgjuar me dhimbje në bark pas një gastroenteriti viral. Landa ka provuar të niset, por më pas është dorëzuar.
Xhiro e Italisë 2016
Çiklizëm – Meshkuj
Rezultatet teknike të etapës së 10-të
(Kampi Bisencio-Sestola, 219 km)
Nr. Çiklisti (Kombësia) Koha
1) Xhulio Çikone (Itali) 5h44’32”
2) Ivan Rovni (Rusi) +42”
3) Darvin Atapuma (Kolumbi) +1’20”
4) Natan Braun (SHBA) +1’53”
5) Damiano Kunego (Itali) +2’04”
6) Andrei Amador (Kosta Rika) +2’10”
7) Xhovani Viskonti (Itali) +2’11”
8) Alehandro Valverde (Spanjë) -“-
9) Esteban Çavez (Kolumbi) -“-
10) Jakon Fuglsang (Danimarkë) -“-
98) EUGERT ZHUPA (SHQIPËRI) +27’28”
Renditja e përgjithshme pas dhjetë etapash
Nr. Çiklisti (Kombësia) Koha
1) Bob Jungels (Luksemburg) 40h19’52”
2) Andrei Amador (Kosta Rika) +26”
3) Alehandro Valverde (Spanjë) +50”
4) Stiven Kruijsijk (Holandë) -“-
5) Vincenco Nibali (Itali) +52”
6) Xhianluka Brambila (Itali) +1’11”
7) Rafa Majka (Poloni) +1’44”
8) Jakob Fuglsang (Danimarkë) +1’46”
9) Ilnur Zakarin (Rusi) +2’08”
10) Esteban Çavez (Kolumbi) +2’26”
120) EUGERT ZHUPA (SHQIPËRI) +1h11’57”
