AlbanianSport.com

Matchday Faqja Kryesore

Mbyllen gjysmëfinalet, për të 3-tin vit radhazi, Vllaznia & Apolonia, në finale

AlbanianSport.com 11/03/2021 15:40

ASNN – Edicioni i 12-të i Kupës së Shqipërisë në futboll për femra Read More

Kukësi / Josa: Respekt për Apoloninë, por na duhen pikët

AlbanianSport.com 11/03/2021 14:10

ASNN – Në kuadër të javës së 24-t të Kategorisë Superiore, Kukësi Read More

(Video) Volejboll – Meshkuj / Partizani & Erzeni rifreskojnë rivalitetin në finale

AlbanianSport.com 10/03/2021 23:55

ASNN – Partizani triumfon në 3 sete ndaj Vllaznisë, Erzeni mund Read More

Nuk ka prapë “Remuntada”, Paris SG & Liverpuli, në çerekfinale

AlbanianSport.com 10/03/2021 23:10

ASNN – Nuk ka “Remuntada”, francezët eliminojnë Barcelonën, Read More

Futboll – Femra / Të mërkurën & të enjten, dy betejat gjysmëfinale

AlbanianSport.com 09/03/2021 20:55

ASNN – Dita e mërkurë dhe e enjte do të rikthejnë emocionet Read More

(Video) Volejboll – Femra / Mbyllen dy gjysmëfinalet, ka një derbi në finale

AlbanianSport.com 08/03/2021 19:25

ASNN – Partizani triumfon në 5 sete ndaj Barleti Volejit, Tirana Read More

Volejboll – Femra / Mposht Barleti Volejin, Partizani, gjysmëfinalistja e parë

AlbanianSport.com 08/03/2021 17:55

ASNN – Në duelin e parë gjysmëfinalist të Kupës së Shqipërisë Read More

Vllaznia / Xhaferi: Nuk qe e shkruar të fitonim, por skuadra premton

AlbanianSport.com 07/03/2021 23:55

ASNN – Sponsori i Vllaznisë, Alban Xhaferi, është i mendimit se skuadra shkodrane nuk kishte fatin me vete në sfidën ndaj Kukësit, që përfundoi në barazim pa gola. Kështu, Vllaznia barazoi me Kukësin në shtëpi, por zhvilloi një ndeshje të mirë dhe ishte shumë pranë fitores. Kuqeblutë janë optimistë për vazhdimësinë dhe sponsori Alban Xhaferi beson se mund të ta fitojnë titullin “kampion”. “Vllaznia ka ndryshuar në dy ndeshjet e fundit, ndoshta jo si në fillim kur ishim në maksimum”, – ka deklaruar ai, duke folur për mediat pas kësaj përballjeje.

“Sidoqoftë, është diçka normale, kampionati është i gjatë dhe ka lodhje, – ka vijuar biznesmeni i njohur. – Futbolli i njeh kriza të tillë të shkurtra dhe mendoj se e kemi kaluar tani. Mendoj që në këtë ndeshje nuk patëm fat, nuk ishte e shkruar që të fitonim. Patëm shumë raste për të shënuar. Humbja e 11-metërshit në vetvete ishte një dramë. Ky është futbolli. Ashtu siç kemi patur fatin të shënonim në momentin e fundit, tani nuk ishte momenti jonë. Mendoj se skuadra është rikthyer dhe do të ecë mirë ndeshjen e ardhshme. Lufta është e egër, nuk ka skuadra të dobëta.”

“Të ecim përpara dhe të luftojmë, – ka bërë thirrje Xhaferi. – Unë mendoj se gara do të shkojë deri në fund kështu, do të jetë luftë e egër. Jemi gati për të luftuar deri në fund. Nuk kemi frikë asnjë ekip, duhet t’i marrim ndeshjet një nga një dhe të vlerësojmë çdo kundërshtar. As Kupa e Shqipërisë (ku Vllaznia përballet në çerekfinale me Korabin), nuk duhet anashkaluar. Të ecim përpara, gjithmonë me atë objektivin për të mbajtur pozicionin aktual dhe pse jo për të arritur titullin kampion. Çunat janë shumë të motivuar, ne kemi bërë mbledhje të gjata.”

“Kemi bërë diskutime të brendshme. Ka pasur gabime gjithandej, duke përfshirë edhe veten. Ndikon euforia e tepër, por nuk mendoj se ka rrëshqitur situata. Çunat janë profesionistë. Ata janë të etur për të fituar, sepse fitorja e ekipit është fitorja e tyre, e të gjithëve. Ekipit i rritet vlera. Unë mendoj që Brdaric gëzon mbështetjen e plotë tonën, ai ka një projekt ambicioz për Vllazninë. Unë e kam mbështetur dhe do të vazhdoj ta mbështes. Sa i takon ankandit, jemi njoftuar nga bashkia që do të ketë një shtyrje”, – ka përfunduar Xhaferi.