ASNN – Alken Agalliu është mbrojtësi që po testohet me skuadrën e Bylisit. Është i datëlindjes 1995 dhe ka luajtur me moshat e Partizanit, duke qenë titullarë në skuadrat e Nën-17-vjeçarëve dhe Nën-19, por edhe grumbulluar nga skuadra e parë.
Agalliu është bërë prej disa ditësh pjesë e Bylisit, ndërsa sezonin e shkuar ka luajtur në kampionatin rumun. Ndërkohë, klubi i Bylisit, ka vlerësuar edhe të rinjtë ashtu siç ka bërë në vitet e fundit, duke i përfshirë në fazën përgatitore që po zhvillon në Durrës.
Lina në portë, Doksani e Bregasi në mbrojtje, por edhe Fejzaj e Sinaj janë të grumbulluar me skuadrën dhe po stërviten së bashku. Për ata është hera e parë që zhvillojnë një fazë të mirëfilltë përgatitore me skuadrën e parë, në kushte kaq komode.
