ASNN – Luftëtari ka zhvilluar ndeshjen e dytë brenda pak ditëve, por këtë herë ka dalë fitues, teksa ka mundur Bylisin në Kupën e Shqipërisë. Pas disfatës në kampionat me Dinamon, lojtarët kanë qenë të angazhuar për të bërë kthesën në rezultate.
Dhe rastet nuk mungojnë, por Kaloshi në një anë dhe Birja në anën tjetër i kanë mbajtur të paprekura rrjetat e tyre dhe pjesa e parë është mbyllur 0-0. Në pjesën e dytë e ka hapur serinë e golave Dervishi për Bylisin.
Kurse më pas reagimi i vendësve ka qenë i fuqishëm, aq sa Qejvani e Nelaj kanë përmbysur gjithçka. Mund të kishte dhe një gol të tretë për vendësit. Por në përfundim, 2-1 për Luftëtarin. E kështu kualifikimi është i hapur.
Minutat e golave:
50’ Aksion nga mesi i fushës i Bylisit, atje ku miqtë, edhe duke përfituar nga një gabim i mbrojtjes vendëse, kanë gjetur golin, teksa ka ditur të përfitojë Dervishi dhe 0-1
59’ Qejvani është futur nga krahu i majtë i sulmit gjirokastrit drejt portës ballshiote, ka pasuar për Nelajn, i cili e ka kthyer përsëri topin tek lojtari vlonjat, që ka gjuajtur dhe shënuar. 1-1.
85’ Çaço depërton nga krahu i djathtë i sulmit gjirokastrit, ka hyrë mes dy mbrojtësve miq dhe është penguar prej tyre, teksa ka fituar një 11-metërsh, që e ka kthyer në gol Nelaj dhe 2-1.
Luftëtari – Bylis 2-1
Shënues: Qejvani 59’, Nelaj 85’(11-m.) / Dervishi 50’
Luftëtari: Birja, Rexha. Çunaj, Frashëri, Erg. Mersini, End. Mersini (Zholi 58’), Lluka (Aliaj 75’), Duka (Brahimi 85’), Çaço, Qejvani, Nelaj. Trajner: B. Devolli
Bylis: Kaloshi, Gjonbrataj, Kuqi (Boraka 83’), Aliaj, Bualli (Guga 70’), Metaj, Sako, Hoxhaj, Shehaj, Çaushaj, Dervishi (Prifti 60’). Trajner: R. Nenaj
Gjyqtarë: S. Greca, E. Malo, E. Prifti (Lushnjë)
Kartonë të verdhë: Rexha, Çaço, Qejvani / Bualli, Sako, Çaushaj (2), Dervishi
Karton i kuq: Çaushaj
