ASNN – I rikthyer në një nga pikat më të forta të skuadrës së trajnerit Adnan Zildzoviç, futbollisti Albi Alla ka provuar që të luajë në mbrojtje, por edhe mesfushë. Në prag të sfidës me Laçin, e cila po pritet me mjaft interes në qytetin e Ballshit, Alla thekson se Bylisi do t’i thyejë kurbinasit, madje edhe me goleadë.
“Laçin e kam parë si skuadër, do t’i mundim, s’ka asnjë rezultat tjetër, – ka thënë ai. – Madje ne të gjithë po përgatitemi që të fitojmë me goleadë. Po e vlerësojmë, por me këtë ekip që kanë kurbinasit duhet që të ishin poshtë nesh në renditje, sepse luajtëm në fushën e tyre dhe fituam, madje ishim superior në çdo aspekt.”
“Këtu do të fitojmë me goleadë edhe për tifozët. Me sa kam dëgjuar edhe këtu, ata e kanë tmerr Bylisin, – ka vijuar futbollisti Bylisit. – Madje edhe për tifozët tanë ne duhet të fitojmë me goleadë, duke qenë se ata po përgatiten për të qenë të shumtë në këtë ndehsje dhe unë jam i bindur se do t’ia dalim.”
“Laçi nuk ka shanse në Ballsh, aq më tepër që për ne kjo ndeshjes është më shumë se një finale”, – ka përfunduar shtatlarti i ballshiotëve, Albi Alla.
