ASNN – Bylisi dhe Kamza zhvilluan një miqësore të mërkurën në fushën e Kamzës. Të dyja ekipet e nisën takimin me formacionet e tyre më të mira. Bylisit iu anullua edhe një gol, por duhet theksuar se paraqitja e skuadrës së trajnerit Mariglen Kule ka qenë shumë e mirë.

Madje për t’u vlerësuar edhe loja e mirë e Kamzës, edhe pse ballshiotët në momente të caktuara bën më mirë se skuadra vendëse. Ballshiotët janë konsoliduar jo pak. Madje, edhe pse është larguar Hoxhaj, në sulm binin në sy kombinimet e Robertos e Bouenit, dy lojtarëve mjaft cilësorë që pritet të bëjnë diferencën te mallakastriotët.

Sfida ka pasur shumë futboll dhe raste, por duhet theksuar se është mbyllur përpara kohe për shkak të shirave të furishme qe ranë në Kamzë dhe e bënë terrenin të papërshtatshëm për të luajtur normalisht.