ASNN – Bylis do të jetë me formacion të plotë sot në sfidën ndaj Luftëtarit, e cila do të luhet në “Adush Muça” të Ballshit, sot në ora 15:00.

Në këto kushte, trajneri Roland Nenaj, i cili e ka përgatitur skuadrën gjatë gjithë javës, do të ketë luksin që të nxjerrë përballë gjirokastritëve formacionin e tij më të mirë.

Përgatitjet, kjo dhe për fatin e mirë të gjirokastritëve, kanë shkuar mirë, ndërsa pritet që skuadra ballshiote të shpalosë vlerat më të mira ndaj një rivali që kërkon pikë për mbijetesën.

Por, sidoqoftë, Bylisi kërkon fitoren për të mos u shkëputur nga Lushnja e vendit të parë, ndërsa lufta do të jetë dyshe për Kategorinë Superiore.